][ موقع قبيلة شمر الرسمي ][WwW.aLlShMr.CoM - سب الدهر مايجوز / نجم حرب

- ۞ منتدى الشعر الشعبي ۞ (http://www.allshmr.com/vb/forumdisplay.php?f=16)

- - سب الدهر مايجوز / نجم حرب (http://www.allshmr.com/vb/showthread.php?t=84706)

سب الدهر مايجوز / نجم حرب

عندي نصيحه لاهل الاسلام بالذات
سب الدهر مايجوز لوكان تلميح

لان الدهر ياناس رب السموات
سبحانه اللي عذب القوم بالريح

انزل قرآنه عظمه وسط آيات
على نبيٍ وضح العلم توضيح

صحيح بعض الناس فيهم جهالات
كم واحدٍ بالدين يحتاج تصحيح

قلته وانا كلي اذنوب وخطيات
بس احمد الله لي شهاده وتصريح

ادري العلم ماهو صرف الشهادات
والنوح دمعه ماهو دمع التماسيح

شاعر وشاطر وامتلك صوغ الابيات
امرجح المعنى على الوزن ترجيح

اقبل النقد ولا استمع لانتقادات
اعرف منهو يروح النفس ترويح

يامعشر الشعار ياهل الجزيلات
خلوا عقيدتكم تفوق التماديح

ونصيحتي للكل مره ومرات
سب الدهر مايجوز لوهي تمازيح

نجم حرب
نايف عبدالله السليمي

رد: سب الدهر مايجوز / نجم حرب

صح لسانك يانايف

جزاك الله خير وبارك الله فيه نصيحة قيمة

رد: سب الدهر مايجوز / نجم حرب

صح السانك ابو فهد

ماشاء الله عليك شاعرنا و صح الله لسانك

قصيده جميلة للغايه تسلم على هالعطاء الراقي

لا تحرمنا من حضورك المثمر تحياتي الخالصه

تقبل شكرى وتقديرى لجنابك الكريم حفظك الله

اخوك /// رعد الشمال

رد: سب الدهر مايجوز / نجم حرب

ونعم بالله العظيم

وحي الله اخونا الكريم نجم حرب

صح لسانك مدد الابدااااع شاعرنا الجزل