كريم يابرقٍ كشف له تشعشاع
كريم يابرقٍ.كشف له تشعشاع=بأول سهيل وشاقني في رفيفه يالله عسى نوه حقوقٍ.على القاع=وبل.قبل وسمه حقوقٍ. خريفه سيلٍ. يعل شعاف وسهول وتلاع=سيولٍ.على كل المناطق مطيفه وبعد حوالي اسبوع ، للوبل مرجاع=لياما عطاش القاع ماها تعيفه ويجيك نبته كنه زروع ، زراع=والا على ماقيل مثل القطيفه ويزين ،للحضر المقيمين مطلاع=ويطرب بها الوبال ويطيب كيفه يقضي بها مصفار ومشتا ومرباع=ويجي السماك ، ويتبعه نبت صيفه وقبل الضحى تلقا بها الفطّر شباع=ومشتاه هو مرباعها هو مصيفه متخالطٍ.ن. بالقاع عشبٍ.ن. وفقّاع=يكسي جميع اوطان نجد العفيفه خيرٍ.يعم اوطان وديارٍ.ن. وساع=ديار الجزيرة كل ابوها مريفه من غربي الخنفة الى شرقي نطاع=ومن دومة الجندل لوادي حنيفه ومن ساحل البحر الحمر والبل شباع=الى الخليج اليعربي هو و سِيفه والله من قلبٍ مع البرق ينلاع=وده يدوّج به ولاهي بكيفه ياصار لاشاري ولاني ببياع=ولالي حلال ولنا راعي وظيفه مالي جدا ياكود تطقيق الاصباع=نفسي شغوفٍ له وبالراس طيفه الله على اللي ليامشى تقل فزاع=او. لبوةٍ.صوت البنادق مخيفه اليانحدر مع نزلةٍ عقب مطلاع=ياطا الشجر ،، تقل عيونه كفيفه ناخذ عليه بأول الوقت. مفقاع=مع من سوالفهم علومٍ. طريفه ونبي ندوّج من عويد لجزاع=لابو محمد فهيد ابن خليفه اللي لهم في كل الاوطان منجاع=يتلون، شف الطافحة والرهيفه اهل القبال السمح وصدورٍ وساع=وينومسون الراس ياصار ضيفه ربعٍ. لنا جزلين في كل الاوضاع=غاياتهم يرقون راس المنيفه ماحسّبوا كثر المكاسب والاطماع=المال لعبو به بأمور.ن. شريفه وصلوا على اللي كلنا لامره اتباع=وآله واللي بعده يسمى الخليفة سطم فهد الخليل |
رد: كريم يابرقٍ كشف له تشعشاع
صح لسانك اخونا الكريم
جزله من راس جزل |
الساعة الآن 02:30 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع