... ( يازين ريحة زمان اول) ... (34)
مشيتْ عقب العصر في حيٍ قديمْ = اكثر بيوته شفتها متهدمات من بينها راعيت لي بيتٍ سليمْ = ماغير منهدٍ ببعض الزاويات دارت بي الدنيا وانا رجلٍ فهيمْ = رجَعْ شريط العمر بي للذكريات تخيلتهم جلوسِ في ليلٍ عتيمْ = معهم سراج صغير انواره خافتات متحلقين ووسطهم واحد زعيمْ = في هرجه الحكمة والخبرة واضحات كلامه نافذ بينهم رايه حكيمْ = يحثهم على فعولٍ طيبات وإن قال رايه دايماً وسط الصميمْ = تسمعه عياله دون اي معارضات وين الرجال والصغار والحريمْ = ياما ملوها في سنينٍ ماضيات كم واحد فيما مضى فيها مقيمْ = ارواحهم باللي مقدر قانعات كبيرهم لصغيرهم قلبه رحيمْ = قلوبهم مع بعضهم متوالفات حتى الصغيٌر للكهل دايم حشيمْ = يفز لادعاه لو هو في سبات لو شفتهم تقول عيشتهم نعيمْ = الضيف وإن جاهم يعيش بمكرمات الموت ما خلا صحيحٍ اوسقيمْ = مايمنعه حتى القصور الشامخات اجيال قفت عند خلاقٍ عليمْ = رضيو بعيشتهم هممهم عاليات راح الخيال وقلت ياالله ياكريمْ = تغفر لهم ذنوبهم والسيئات ذي حالها زواله وافهم ياغشيمْ = حافظ على دينك وقم بالواجبات احرص على الطيب وخله لك نديمْ = اللي يعينك للفعول الصالحات ياالله انا طالبك ياالرب الحليمْ = ترحم عبيدك مسلمين ومسلمات ( احمد بن ناصر المحرج ) |
رد: ... ( ما أطيب عَبَقْ الماضي ) ...
اللهم آمــــــــــين تسلم يابوناصر وصــــح لسآنك مـــــــدد ولافض فوووك هذه القصيدة ذكرتني بقصيدة قديمة مطلعها:
مريت بابٍ للمحبين مقفول=جابتني القدرة على حد بآبه
إلى أن قال:
له مدةٍ بالسوق ماشيف له زول=وبابه عليه من السوااافي اترابه!
تحياتي وتقديري لك لاعــــــــدمنا وجووودك. خمس نجوووم |
رد: ... ( ما أطيب عَبَقْ الماضي ) ...
ابو ناصر المحرج
قصيده شامخه عن الماضي وتكاتفهم وعزيمتهم في ذلك الوقت وتذكير في آخر القصيده بأن الحال من المحال ولا بد من الرحيل والحرص على التمسك بالدين والعقيده وآداء الواجبات تسلم يا ابو ناصر على هذا النهج الطيب المحبب صح السانك الـــــــــــــــــف يامبدع لاعدمتك |
رد: ... ( ما أطيب عَبَقْ الماضي ) ...
اقتباس:
حياك الله اخي الغالي ابوطارق صح بدنك والله يعافيك لك خالص شكري لمرورك العطر وردك الرائع وتقييم وثبيت الموضوع جعلنا الله وإياك من المقبولين عتقاء النار في هذه العشر المباركة خالص الود |
رد: ... ( ما أطيب عَبَقْ الماضي ) ...
اقتباس:
حياك الله اخي الغالي ابو فيصل حضورك هو الشامخ وثناءك على القصيدة زادها تألقاً جعلنا الله وإياك من المقبولين عتقاء النار في هذه العشر المباركة لك خالص الود |
رد: ... ( ما أطيب عَبَقْ الماضي ) ...
شاعرنا المميز :أبو ناصر المحرج..
صح الله لسانك ويسسلم منطوقكك ... أبيات رائعةة محبوكةة بالحنين إلى الماضي الجمييييييل وذكريات نتمنى أن تعود ويعود أصحابها ... قصيدة راقت لي .وربي يعطيك الصحةة والعافيةةة على جمال وروووعةة هالطرح لاعدمناك تحياتي لسموك √ |
رد: ... ( ما أطيب عَبَقْ الماضي ) ...
اقتباس:
لك خالص الشكر على ردك وكلامك الطيب لك خالص الود |
رد: ... ( ما أطيب عَبَقْ الماضي ) ...
صح لسانك ابو ناصر .. ابيات يدمع لها القلب فلا للتعليق
احلى تقيييييم |
رد: ... ( ما أطيب عَبَقْ الماضي ) ...
صح لسانك وعلا شانك ... قصيده رائعة جزلة من شاعر رائع وجزل
|
رد: ... ( ما أطيب عَبَقْ الماضي ) ...
اقتباس:
صح بدنك ابو متعب حياك الله بأي وقت |
الساعة الآن 04:00 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع