مساجلات على الخفيف
 

ياخلف حظ من الدنيا تعيس
ويابعد ليل تهنى بعرسا

يادفاي بليلة الشلتى القريس
وفيي بلاهوب صيفي لاقسا

ماشغفني عنك مي ولا لميس
لا وربي ماتجاريك النسا

الحواسد مالها دونك رسيس
عودت بدليها حزن وأسا

لاتسل عن مابقلبي ياونيس
ود صافي بالوفا خير جلسا

ياحياتي ماينافسك النفيس
كثرت الامواج وشموخك رسا

الوفا ماراوده دونك بليس
ومن عذلني فيك .. يقطع ويخسا .

🌹الشاعرعبدالعزيز بن بليهد






وهذي مردي عليه

يالبليهد شفت جوهرك النفيس
وانت زيزوم القصيد الياقسا

لاغرابه وانت للصعبه رئيس
كان صعب القاف ليله عسعسا

القوافي تنتمي لاصدق جليس
مالها مع باقي الناس جلسا

وانت فارسها الياحمي الوطيس
وانت مرسا الشعر يامنه رسا

وانت عد الشعر والقيفان عيس
ماردن للشعر في صبح ومسا

الشعرما يجلس الا مع ونيس
وانت والشرد الجيدات ونسا

للشعر ناسن لقيفانه تقيس
مدرسه فيها الجزال تدررسا

وفيه شعارن قصيده حرمسيس
يخلطون البر مع تمر الحسا

والمفطح مايقارن با البسيس
فرقهن فرق الرجال عن النسا

اما انا وقت الظلام الطلمسيس
كان نور الشمس بااليل اكتسا

ابي اسوي للقصايد منتريس
ياعسا مانخطي الجزله عسا

بعد كفاح شديد صارت كذا👆🏼
الشاعر/مشعل عسام التريباني الشمري في 27/10/1438هجري

رد: مساجلات على الخفيف
 

بل على الثقيل:)

صحت الألسن وطابت الأرواح شعراءنا الفضلاء

رد: مساجلات على الخفيف
 

ابومعاذ
شكرالك على المرور والاطرى الله لايهينك

رد: مساجلات على الخفيف
 

حي الله شاعر الحكمة

واخونا الجليل مشعل التريباني

صح لسانك مدد على هذه المجاراة الرائعه

تستحق الثناء والتثبيت

رد: مساجلات على الخفيف
 

الله يحييتس اختي الشمريه المجهوله
اشكركي جزيل الشكر على المرور المشرف وتثبيت القصيده الله لايهينتس اختي الفاضله

رد: مساجلات على الخفيف
 

شاعرنا مشعل صح السانك على المجارة الجميلة دمت في احترام وتقدير

رد: مساجلات على الخفيف
 

اخوي وضاح ابوالغنم
شكرالك على المرور والاطرى لاهنت والله