][ موقع قبيلة شمر الرسمي ][WwW.aLlShMr.CoM

][ موقع قبيلة شمر الرسمي ][WwW.aLlShMr.CoM (http://www.allshmr.com/vb/index.php)
-   ۞ منتدى الشعر الشعبي ۞ (http://www.allshmr.com/vb/forumdisplay.php?f=16)
-   -   مبادرة شعراء موقع شمر في عتق رقبة عبد الكريم الشمري (http://www.allshmr.com/vb/showthread.php?t=85023)

الشمريه المجهوله 2019-05-09 06:07 AM
مبادرة شعراء موقع شمر في عتق رقبة عبد الكريم الشمري
 
كفووو والف نعم في اخونا وعزوتنا
‏اخو جوزا

‏الشيمه اللي موطنه هامة الراس
‏ماجابت عفون العرب والبلاليس

‏تجيب مشهود الكرم طيب الباس
‏عند الحميا قرم يرخي لها الكيس

‏بقلم
‏#الشمرية_المجهوله

الشمريه المجهوله 2019-05-09 06:09 AM
رد: مبادرة شعراء موقع شمر في عتق رقبة عبد الكريم الشمري
 
كفووو كفووو ياحاتم الطيب والجد
‏مثل كرم جدك تفك المساجين

‏شفي الخليفة بالكرم مالهم حد
‏أعتق ارقاب ٍ ثمنوها بملايين

‏بقلم
‏#الشمرية_المجهوله

الشمريه المجهوله 2019-05-09 06:11 AM
رد: مبادرة شعراء موقع شمر في عتق رقبة عبد الكريم الشمري
 
‏#ام_عبدالرزاق_الجدي_تتبرع_بذهبها

‏عفية اصيلة معربه وسط ميدان
‏نسل الجدي مهرة تنومس عربها

‏تسلم بنت عمي موارث گحيلان
‏اللي ارخصت وقت الشدايد ذهبها

‏هذي معاني الجود بالموزمه تبان
‏تهدي لوجه الله محد طلبها

‏من لابةٍ يوم المحن شانها شان
‏خليبص هل الردات شامخ نسبها
‏بقلم
‏#الشمرية_المجهوله

الشمريه المجهوله 2019-05-09 06:30 AM
رد: مبادرة شعراء موقع شمر في عتق رقبة عبد الكريم الشمري
 
‏#حملة_عتق_عبدالكريم_الشمري

‏كفووو والف نعم والله في الظفير

‏فزعاتكم ماهي تعاليل ديوان
‏فزعت نشاما موثقه بـ الفعايل

‏دوم الظفير اكرام للطيب عنوان
‏امـجاد تذكر في جميع القبايل

‏ذيابٍ اوافي بالمهمات شعطان
‏وهذا دليل افعالكم ي الاصايل

‏بقلم
‏#الشمرية_المجهوله

ابو فهد الوريكي 2019-05-09 08:35 AM
رد: مبادرة شعراء موقع شمر في عتق رقبة عبد الكريم الشمري
 
بيضان ياوجيه الطنايا هل الجود
ربعي ليـا شـح الزمــن جـاد وبـله
كبـيرهـم صغيـرهـم جابـو الفـود
ياسعد عين اللي ربـوعه صفت له
لكـن علـى ماقيل حنا بهـا شهود
رجلين قامــوا يـوم كلن نصـت له
ودي اطيب كل شارب دهن عود
بالواجـبــه مـدات الاثنيـن جــزله
سلطان مدهال النشاما ابو سعود
وابــن خليفــة كــثــر اللــه مثــله

الشمريه المجهوله 2019-05-10 04:45 PM
رد: مبادرة شعراء موقع شمر في عتق رقبة عبد الكريم الشمري
 
‏#شاعرة_الطنايا

‏ماجيت ادور في قصيدي مشاهير
‏حب الطنايا في ضـميري معمــر

‏اكتب على وضــح النقا للجماهير
‏يحيا ويموت النبض في حب شمر

‏بين الطنا والطيب وفعل المناعير
‏يثنـي لهم القاف وفيهم تسمر

‏لي الفخر وان قلت حبي لهم غير
‏عرش العجم بسيوف ربعي تدمر

‏بقلم
‏#الشمرية_المجهوله

الشمريه المجهوله 2019-05-10 04:46 PM
رد: مبادرة شعراء موقع شمر في عتق رقبة عبد الكريم الشمري
 
اقتباس:
المشاركة الأصلية كتبت بواسطة ابو فهد الوريكي (المشاركة 1268673)
بيضان ياوجيه الطنايا هل الجود
ربعي ليـا شـح الزمــن جـاد وبـله
كبـيرهـم صغيـرهـم جابـو الفـود
ياسعد عين اللي ربـوعه صفت له
لكـن علـى ماقيل حنا بهـا شهود
رجلين قامــوا يـوم كلن نصـت له
ودي اطيب كل شارب دهن عود
بالواجـبــه مـدات الاثنيـن جــزله
سلطان مدهال النشاما ابو سعود
وابــن خليفــة كــثــر اللــه مثــله
صح لسانك وسلم بنانك
اخونا شاعرنا الجزل
والف نعم في المادح والممدوح


الساعة الآن 09:13 AM

Powered by vBulletin® Version 3.8.6
Copyright ©2000 - 2024, Jelsoft Enterprises Ltd allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع