][ موقع قبيلة شمر الرسمي ][WwW.aLlShMr.CoM

][ موقع قبيلة شمر الرسمي ][WwW.aLlShMr.CoM (http://www.allshmr.com/vb/index.php)
-   ۞ مـنـتـدى الـصـنـاديـد ۞ (http://www.allshmr.com/vb/forumdisplay.php?f=8)
-   -   ال رشيد واحداث معركة الصريف (http://www.allshmr.com/vb/showthread.php?t=28134)

ابن مخيدش 2008-11-09 03:10 AM

ال رشيد واحداث معركة الصريف
 
السلام عليكم ورحمة الله وبركاته,,,


حبينا ننقل لكم ماسمعنا عن ال رشيد وبعض احداث معركة الصريف,,



ال رشيد وهم حكام شمر لايخفون احد

فيهم الشجاعه والفروسيه والكرم والاماره


المؤسس الاول لهذه الدوله هو الامير عبدالله بن علي ال رشيد واخيه عبيد رحمهم الله

ومن بعده طلال العبدالله (زقيحان) ومما قيل فيه
طلال لو قلبك حجر او حديدي=يمديه من حامي وطيس الوغى ذاب
وعيال عمّك كاسبين الحميدي=جددت قالات ٍ لابا زيد وذياب

وبندر الطلال ومما قيل فيه (يامن يبشّر شمّر ٍ شاخ بندر=كل القبايل من غلا ابوه تغليه)

ومحمد العبدالله (المهّاد) ومما قيل فيه من باب برزان ٍ الى باب نجران=ماهو انا يالضيغمي انت اميره

وعبدالعزيز المتعب (الجنازه) ومما قيل فيه
مرحوم ياخيّال يسوى الف خيّال=ويسوى كثير من العصاة المشاكيل
عبدالعزيز الشمري ماض الافعال=اللي ضحايا والديّه رجاجيل
ليت العذارى حمّل ٍ منه بعيال=ولا بلاش من الضنا كلهن حيل


ومتعب العبدالعزيز

وسلطان حمود العبيد

وسعود حمود العبيد

وسعود بن عبدالعزيز (ابو خشم) ومما قيل فيه اسنادا على خاله حمود السبهان

إنصب ولد عبدالعزيز المتعب=سبع الضواري للضواري يسندي

وعبدالله بن متعب العبدالعزيز

ومحمد الطلال



معركة الصريف ضد قوات عبدالعزيز المتعب الرشيد واهالي حائل و قبيلة شمر

وكانت شمال شرق بريده بالطرفيه,,

مع مبارك الصباح حاكم الكويت وعبد الرحمن بن فيصل بن تركي ال سعود و ال مهنا امراء بريده و ال سليم امراء عنيزه وقبيلة مطير وقبيلة عتيبه والظفير والعجمان وقحطان وبني هاجر والمره وبني خالد والمنتفق وسبيع والسهول والعوازم والرشايده ومنهم قبائل لاتحضرني
وانتهت بإنتصار ابن رشيد,,,


ومن احداثها كان سالم الحمود العبيد قائد الصخريات وهن الابل الوضح لحماية الجيش والفرسان ضد الرصاص
ومع خوض المعركه اصيب سالم بن حمود برصاصه في بطنه وقيل انها اصابه خطيره وقام وحزم بطنه بغدفته وثوبه وقام للخوض بالمعركه حتى ان اشتد الألم به ووقع على الارض وكان عنده احد الفرسان وسأله بشّر الوجه لنا ولا لهم؟؟؟ (اي النصر لنا)

قال ابشرك الوجه لنا,,

ورد عليه سالم وقال ماعلى النفس حسافه اشهد ان لااله الا الله وان محمد رسول الله وتوفي رحمه الله,,

وكان معهم ابناء حمود العبيد ثلاثه سالم ومهنا وماجد وتوفي سالم ومهنا وبقي ماجد وكان مصاب اصابه خطيره فلما رجع لحائل اتى الى ابوه حمود فلما شاف ابنه بهذه الحاله وعلم ان ابناءه قد توفيوا قال ابيات منها

هلا هلابيك يالوجعان=ياللي صوابك صطم كبدي
ياخو الطريحين بالميدان=اللي سبايبهم الربدي
الطير يرجع على فنيسان=يازاهي السيف والفردي
لاواحلولات ياجليدان=ريف الخطاطير بالبردي
وزياد يامقدم الفرسان=اليا لفونا هلا الحردي

الوجعان هو ابنه ماجد الحمود

الطريحين سالم ومهنا

الربدي هو احد اهالي القصيم ومن كبارهم

فنيسان وهو خالهم ابن مزيريب من الجرذان من سنجاره

جليدان وهو المروب من الويبار

زياد وهو زياد بن مخيدش وهو اخو فلاح بن مخيدش (ابا العماريات)

وزياد هو جد المرحوم حمد بن جعيثن بن شارع,,,,



ولايخفانا ان ال رشيد رجال فيهم شجاعه وفروسيه

ومن القصص التي سمعتها انه كان في احدى معارك شمر مع احد القبائل وكان الحاكم محمد العبدالله (المهاد)
كان بدر الطلال الرشيد وهو ابن (زقيحان) قيل انه في السادسه عشر من عمره او ماحولها وكان محمد العبدالله خائفا عليه لصغر سنه ولايريده يشارك معهم بالحرب وقال للعبيد امسكوه لايمشي معنا


ولما مشوا شمر مع محمد العبدالله كانوا العبيد يحرسون بدر ولما تغافلهم واغتنم الفرصه ركب جواده وكان يردد كلمات حداااء

اتداريها اتداريها,, وشلك بالروح اتداريها ,, اسمك رايح ومخليها

وخاض المعركه وقيل انه قتل اكثر من فارس بذيك المعركه ورجع سالما,,,

رحمهم الله رحمه واسعه,,,

مرحوم ياللي يرفع الراس طاريه==عند القريب وعند كل السناعيس

=====

انا بغلاهم ياقف الراس تقدير==حشمه وعزوه للجنايز شعوري

هذا اقل ماكتبت بالجنازه والرشيد رحمهم الله وابقى الحيين

وسلامتكم

زين بدوي 2008-11-09 03:20 AM

رد: ال رشيد واحداث معركة الصريف
 


بيض الله وجهك ,,,, والله يرحمهم


تحيه شمريه صادقه لك

.

ابن مخيدش 2008-11-09 04:15 AM

رد: ال رشيد واحداث معركة الصريف
 
ابيض وجه يازين بدوي ولاهنت الغالي على الكلام الطيب والتحيه

ولد الطنايا 2008-11-09 12:33 PM

رد: ال رشيد واحداث معركة الصريف
 
حـــيــاللـــه ابـن مــخـــيــدش

ألـــف شكر على كل ماطرحتة في هذا الموضوع ورحم اللـه

أمــوات الـمــسـلـمـين .

نهار بن هيشان الوبير 2008-11-09 01:16 PM

رد: ال رشيد واحداث معركة الصريف
 
الاخ ابن مخيدش
مؤضوع في غائة الروعة وهو مختصر مفيد جداً
عن أسرة ال رشيد الكرام

تقبل اعجابي وتحياتي

عجزت انساكـ 2008-11-09 03:42 PM

رد: ال رشيد واحداث معركة الصريف
 
بيض الله وجهك ,,,, والله يرحمهم

الف شكـر لك على هذا الموضوع

الجرواااني 2008-11-09 05:12 PM

رد: ال رشيد واحداث معركة الصريف
 
الله يرحمهم وبيض الله وجهك يالعزوه





تقبل مروري

ابو يوسف 2008-11-09 05:32 PM

رد: ال رشيد واحداث معركة الصريف
 
رحمهم الله رحمه واسعه

ورحم الله الـمــسـلـمـين الاحياء منهم والاموات

اخي الفاضل ابن مخيدش

بيض الله وجهك

على الطرح المميز

عافاك الله

المحيط 2008-11-10 04:23 AM

رد: ال رشيد واحداث معركة الصريف
 
والنعم بأخوان نوررررررررررررره
هؤلاء هم الصناديد الحقيقيون الذين روو الأرض
بدماء الابطال
شكرا لنقلك.........بسماحتك...........تقبل مروري

ابن مخيدش 2008-11-13 03:43 AM

رد: ال رشيد واحداث معركة الصريف
 
الله يحييك ويبقيك ياولد الطنايا ويرحم امواتنا واموات المسلمين ولاهنت الغالي


الساعة الآن 08:28 AM

Powered by vBulletin® Version 3.8.6
Copyright ©2000 - 2021, Jelsoft Enterprises Ltd allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع