سلام ياحر (ن ) شله فوق سنجار =حام الجزيرة غربها والشمالي
عبدالله الباشا مواريث الاحرار =مدلاه مابين السحب والجبالي
من صلب شيخ (ن) للطوابير كسار =يثني كما الضرغام عند التوالي
من دور جده بالحميا لهم كار =وماكل لحيه هي تنول المعالي
حتى القصايد فيكم اليوم تحتار =وترسي على بحرالمدح والجزالي
ماشفت شخصك مير وصلتنا اخبار =انك على المحتاج ترهي الحلالي
وأنك على اليتمان الوالد البار =وأيضا على الينخاك تدي الوصالي
ربي يحفظك دوم يامشرع الدار =يامقلط(ن)مع الغوازي الشتالي
في مجلس(ن)تنصاه ضعوف(ن)وخطار =ترجاك يانبع الفرات الزلالي
يفدونك اللي مخلصينه بالاعذار =يامسندي ورجواي عزالرجالي
وصلاة ربي عد ورودن ونوار =على النبي وإعداد مابه رمالي

المشاركة الأصلية كتبت بواسطة السكبه (المشاركة 1247110) الشاعره الفاضله الشمريه المجهوله شاعرة الطنايا صح السانك الــــــــــــف على هذه القصيده الشامخه والجزله بالشيخ عبدالله العلي الباشا الجرباء وهو يستاهل من المدح اجزله لما يتمتع به من صفاة حميده متمثله بأخلاقه الراقيه وتواضعه وحبه لأعمال الخير وكرمه اللا محدود وديوانه المفتوح والعامر بمرتاديه من كل الفئآت حيث هو يستقبل الجميع ولايفرق بينهم ويساعد المحتاج والعاني اليه ادعو الله ان تكون هذه الاعمال في موازين حسناته ويوفقه لما يحبه ويرضاه . الشاعره الشمريه المجهوله شاعرة الطنايا لقد احسنتي الاختيار لهذا الشيخ الكريم والذي يعتبر من خيرت مشائخ شمر ومن اكرمهم في منطقة الرياض علما لم يكن لي تواصل معه انما اسمع واقرا واشاهد عنه هذه الافعال الطيبه . وانتي لك مسيره عطره في الشعر القوي والجزل وتخليد المواقف والاحداث التي تمر بقبيلتك ومنطقتك ومن قصائدك الخالده مع السلامه ياعيال الطنايا = يلي على الديار البعيده تشيلون في عام 1999 وبسببها لقبتي بالشمريه المجهوله وكذلك قصيدتك شمر هل الطولات ربعـي هـل الـزود = يافـرحـت المضـيـوم يـــوم ٍ نـخـاهـم ربي يحفظك ويحسن اوظاعكم ويزيل هذه الغمه عنكم اخوك ابراهيم الصفـوقــي لاعدمتك

المشاركة الأصلية كتبت بواسطة ابو حارث المدعول (المشاركة 1247128) صح لسانك والحمدلله على السلامه وطمنينا عن احوالكم

المشاركة الأصلية كتبت بواسطة الصريح (المشاركة 1247190) الشمرية المجهولة أولا حياكي الله والحمدلله على السلامة ومن طول الغيبات جاب الغنائم وغنائمكي غنائم نادرة ولها طابع خاص، ثانيا الشعر عندما يكون في الاجواد والكرماء يكون في محله الطبيعي ومستحقيه، واسمحي لي بالتعليق على ذلك شعرا في بيتين، يالشمرية هرجكم قــطــف نوار 00 متنوعأ في كـــل ذوق ومجــالي والشعر ياقلتيه في حق الاخيار 00 ماهو خسارة في صعول الرجالي وتــقبلــي مني تحيــــات ويبار 00 يابنت منهــم يبعـــدون المـــدالي

المشاركة الأصلية كتبت بواسطة ابو طارق الشمري (المشاركة 1247191) هلابك أختي الشمرية المجهولة والحمدلله على السلاااامة صـــح لسآنك ملاااايييين ولاعـــــــدمنا وجووودك.