][ موقع قبيلة شمر الرسمي ][WwW.aLlShMr.CoM - يانجد من سماك نجد غوا اسماك

- ۞ منتدى الشعر الشعبي ۞ (http://www.allshmr.com/vb/forumdisplay.php?f=16)

- - يانجد من سماك نجد غوا اسماك (http://www.allshmr.com/vb/showthread.php?t=2909)

يانجد من سماك نجد غوا اسماك

السلام عليكم ورحمه الله وبركاته

هذي قصيده للشاعر فهد بن صليبيخ

يانجد من سماك نجد(ن)غوا أسماك=هو ليه ماسمـاك بـأم البـلاوي؟
عسى الذي سوى رسومك وسواك=يرسل عليك من المياهيف هـاوي
ابي اليـا مـن الطرقـي تمثنـاك=يمسي على تالي إرسومك خـلاوي
بس الطيور وناعي البـوم ينعـاك=والذيب من قل الأزاويـل عـاوي
يانجـد والله ماتسـوى سوايـاك=نفسك علينا مثل نفـس المهـاوي
جيل(ن)تجلينـه وجيل(ن)تـبـلاك=وجيل(ن)تكوينه بحمـر المكـاوي
واللي وطاه العسر وأجزل بفرقـاك=داج الديار وصار دنع(ن) دنـاوي
ياخذ ويدله تالـي العمـر ينسـاك=وتشيب عين اللي لعـزك رجـاوي
يوم(ن)ابن مقرن بسيفـه تـولاك=خلا سنامك مع الردوف امتسـاوي
ركب عليك وطوعك ليـن خـلاك=أطوع من النظوا ذلـول اللحـاوي

وسلامتكم

صح لسانك اخوي عواد
والله يعطيك العافيه

صح لسانك ياعواد ومشكور على القصيده

اشكر كل من خط بقلمه وشرفني بالمرور الكريم

ياسلام عليك يا عوااااااااد

دائما انجبر وتجبرني انظاري على قرائة ما تكتبه لنا

لان ما يكتبه عواااااااااااد هو الاول

وشكر وتقدير خااااااااص

كل التقدير لك ياشاعرنا ولمرورك الذي شرفني واسعدني

واطرائك الجميل
فشكرا لك

الف شكر اخ عواد اختيار موفق صح الله لسانك وتقبل تحياتي

شكرا اخي الخريصي علي مرورك الكريم

ولك مني اعطر تحيه

مشكور اخوي عواد على النقل ... وهل لنا ان نعلم مامناسبة القصيده ؟؟؟

دمت في حفظ الله