![][ موقع قبيلة شمر الرسمي ][WwW.aLlShMr.CoM](images/misc/vbulletin3_logo_white.gif){kind=logo}
|
محمد العونــــــــي وقصيدته عندما نخا شمر
اخواني واخواتي اعضاء منتدانا الغالي قصيدة العوني على لسان ابن رشيد عندما نخا شمر قصيده جزلة وثمينه وفيها حقائق ووقفات بطولية كبيره ولكن هذه القصيده بداءت الناس تمدها او تضغطها حسب الاهواء هنا انا اطلب من اخواني اصحاب الحفظ والمتابعه وعلى سبيل المثل لا الحصر الاخ الصريح او راكان المعجل او سنجار او اي عضو لديه القصيده كامله ان يضعها لنا هنا بشرط ان تكون كامله وواثق منها الاخ ابن برزان انا اطلعت على موضوعه عنها ومشكور عليه ولكن يوجد تكسير بالكلام كثير ونقص ببعض الكلمات ويمكن ان نعتبره هو النوات للقصيده وبلورتها بأنتظاركم ولاعدمتكم جميعا وهذه القصيده بعد عدة تعديلات وأضافات وبعد اخذ رأي الاخوه الصريح و راكان المعجل والاخ سنجار ومن ابدا رايه وزودنا بما لديه وكذلك بعض الاخوه وعدونا بتنزيل نسخ لديهم ولكن لسسب ماء لم ينزلونها لذا رأيت ان انزل القصيده هنا مع تحفظات بعض الاخوه على بعض الابيات
راكــب فــوق حــر يـذعـره ظـلـه = مثـل طيـر كفـخ مـن كـف قضابـه مـاحـلا فـزتـه والـخــرج زاه لـــه = والميـارك علـى متـنـه تثـنـى بــه مـن سكاكـا ترحـل واتــرك الـذلـه = واحذرالخوف هاجوسـك تمعنـا بـه ســر لشـمـر وخـبـر لابـتـي كـلــه = لابـتـي بالمـلاقـا حــي مــن لابــه لابتي حيةٍ رقطـــاء بصدع لـــه 00 = لين(ن) لمسها والسم بأنيابــــــه يـــاحربنا غدينا للعـــدو علــــه 00 = وياصفينا كما الســــكر لشــرابــــه قــل لــوادي وابوعـافـت بـعـد قـلـه = يانـهـار عـلـى الـجـوبـه تـحـلابـه الدخـن فوقـنـا كــن الـدجـى ظـلـه = الرويـلـي و بــن شـعـلان واقـرابـه دريـوا انــا قلـيـل وادركــوا خـلـه = وارتكـيـنـا بـعــون اللــه وحـجـابـــه مانعرف الضحى من كثر خلق الله = ويـن شمـر هـل العـادات والجابـه ويـن مطنـي وعـبـاس وربــع لــه = ويّـهـا كـــــــربـةٍ لــو ان لـهــا لابـــه وين طايس وبرجس هم وربـع لـه = ويـن عبـدة الـى من حل ضبضـابـه وانخ راعـي المليحـا لاتساهـل لـه = وانخ شمر وعط الصوت يدرى به وانخ فهران اخو رفعة ورربـع لـه = لـى التقـى بالملاقـى كـف قضـابـه وانخ ضاري والاسلم قل تجي كلـه = اخو صلفه الى منـه كلـح نابـه وانخ اخو شاهة المنعور وافطن له = وانخ مطلـق مـع التومـان بالجابـه وانـخ سنجـر وقاسـم ساتـر الخـلـه = وانخ غضبـان ابوعلـوش واقرابـه وانخ عـدوان ابوممـدوح وبيّـن لـه = يرفـع الصـوت للفلـحـان بالجـابـه وانـخ فهـاد وبايـق هـم وربـع لــه = وانـخ شبـان شـمـر وانــخ شيـابـه وانـخ ميـاح وهـل الـديـن والمـلـه =وانـخ الاخـوان جنـدالله واحـزابـه. ؟؟ لاعدمتكم |
رد: محمد العونــــــــي وقصيدته عندما نخا شمر
|
رد: محمد العونــــــــي وقصيدته عندما نخا شمر
حي الله السكبة يالغالي .. هذي قصيدة العوني يوم ينخى شيوخ شمر بكون الجوف والمعذرة اذا كان فيه نقص !!
راكب فوق حر يذعره ظله = مثل طير كفخ من كف قضابه ماحلا فزته والخرج زاه له = والميارك على متنه تثنى به من سكاكا ترحل واترك الذله= واحذرالخوف هاجوسك تهنى به سر لشمر وخبر لابتي كله= لابتي بالملاقا حي من لابه قل لوادي ابوعافت بعد قله= يانهار على الجوبه تحلابه الدخن فوقنا كن الدجى ظله= الرويلي ابن شعلان واقرابه دريوا انا قليل وادركوا خله= وارتكينا بعون الله وحجابه مانعرف الضحى من كثر خلق الله= وين شمر هل العادات والجابه وين مطني وعباس وربع له= ويّها كربة لو ان لها لابه وين طايس وبرجس هم وربع له= وين عبدة الى ماحل ضبضابه وانخ راعي المليحا لاتزاهل له= وانخ شمر وعط الصوت يدرى به وانخ فهران اخو رفعة ورربع له= لى التقى بالملاقى كف قضابه وانخ ضاري والاسلم قل تجي كله=وين اخوصلفه الى منه كلح نابه وانخ اخو شاهة المنعور وافطن له=وانخ مطلق مع التومان بالجابه وانخ سنجر وقاسم ساتر الخله=وانخ غضبان ابوعلوش واقرابه وانخ عدوان ابوممدوح وبيّن له=يرفع الصوت للفلحان بالجابه وانخ فهاد وبايق هم وربع له=وانخ شبان شمر وانخ شيابه وانخ مياح وهل الدين والمله=وانخ الاخوان جندالله واحزابه ويالغالي اذا ماهي المطلوبة ترك بحل احذفه لاتجامل:8: تحيتي |
رد: محمد العونــــــــي وقصيدته عندما نخا شمر
اخي السكبه جزاك الله الف خير على الاهتمام في المصداقيه حول هذه القصيده
واشكر الاخ المرجف على وضع القصيده وحسب ماسمعت عنها كماهي ونريد الاخ الاخ راكان يبدي رأيه |
رد: محمد العونــــــــي وقصيدته عندما نخا شمر
العزيز السكبه
مشكور على هذه البادرة والحرص المعهود فيك ... كما وأشكر أخواني جميعاً على المتابعة والرقي بالردود ... وأتمنى أن نستطيع حفظ هذه الشواهد بكل دقة في منتدانا كي لا تكون عرضة للضياع أو الزيادة والنقصان . بارك الله فيكم جميعاً وأدامكم ذخراً |
رد: محمد العونــــــــي وقصيدته عندما نخا شمر
لاهنت ابو فيصل علي التوضيح
وجزاك الله خير |
رد: محمد العونــــــــي وقصيدته عندما نخا شمر
الاخوان الاعزاء
ابو حواس المرجف سنجار ابو النوري بدر الشمري شاكر ومقدر لكم تواجدكم وحرصكم معنا للوصول الى المصداقية في مايدور ويكتب هنا كل الشكر الى الاخ المرجف على ايراد القصيده وتأييد الاخ سنجار لها وهي كما نسمعها وانا التقيت بالاخ علي الوهبي ووعدني بتزويدي بنسخه من القصيده كامله ماخوذه من كتاب العوني فأنا بأنتظار الاخ علي لمطابقة القصيدتين ويبدو لي ان ما احضرة اخي المرجف صحيح لاعدمتكم جميعا |
رد: محمد العونــــــــي وقصيدته عندما نخا شمر
الاخ العزيز
السكبه اشكرك جدأ على ايراد هذ البحث والاستفسار وانا اتفق تمامأ مع الاخ اخونا صاحب البلاغة والنباغة المرجف وذلك من ناحية الاسماء في القصيدة ولكن احب اضيف بعض الابيات التي لم ترد في القصيدة وهوقوله لابتي حيةٍ رقطاء بصدع له 00 لين(ن) لمسها والسم بأنيابه ياحربنا غدينا للعدو عله 00 وياصفينا كما السكر لشرابه ومع الآسف أن قصيدة العوني وقصيدة الشيخة للهربيد اصبحتا في الآونية الآخيرة عرضة للتحريف والتزييف حتى صارتا مثل الكرنك ( النقل الجماعي ) الذي كلما مر محطة نزل منه ركاب وركب معه ركاب اخرين ؟؟!! شكرأ للجميع |
رد: محمد العونــــــــي وقصيدته عندما نخا شمر
هلا وغلا بأخوي السكبه والله يالغالي توي أشوف هالموضوع وبالنسبه للعوني له أكثر من قصيده ينخى بها شمر وياليت لو تحدد القصيده المطلوبه وأبشر بعزك وتسلم على هالأهتمام بموروث القبيله القيم والسلام عليكم...!!! |
رد: محمد العونــــــــي وقصيدته عندما نخا شمر
كل الشكر الى الاخ الصريح على هذه الاضافة الرائعه
والكلام الطيب كثر الله امثالك اهلا بالاخ راكان المعجل القصيده ياطويل العمر هي التي وضعها الاخ المرجف هل عندك عليها من تعليق او اضافه شاكر ومقدر وجودك هنا انتظرك |
| الساعة الآن 11:28 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع
