الراوي اللي مايجبد الروايه =يرتاح مهوبالسواليف مكلوف
 

الراوي اللي مايجيد الروايه
يرتاح ماهو باالسواليف مكلوف

مايرفع الرجال نشر الدعايه
ياصار مافعله موثق ومعروف

ارعى حقوق الناس حق الرعايه
لاتلحق الذمه ملامات وحسوف

اخذ الخبر من مصدره والحكايه
السدو مايجمع من القطن والصوف

وصيتي لك كان تسمع ندايه
ترا الطريق بزود الاخطار محفوف

خذلك من الهرج الموثق وقايه
عن هرجتن فيها متاهات واذلوف

سلط على وجه الكلام المرايه
حتا تخص الصدق بالعين وتشوف

وابعد عن اللي ينشرون الدعايه
ويلبسون الكذب غتره ونفنوف

ناسن تلف الكذب وسط العبايه
هرج الرخا جابوه جاهز ومصفوف

الهرج مايقضي للانسان غايه
وريح الزهرقضي اليا صار مقطوف

مشعل عسام التريباني الشمري في/17/5/1440هجري