][ موقع قبيلة شمر الرسمي ][WwW.aLlShMr.CoM - دغيمان الهمزاني واهل ابا الدود ..قصه من رواية الدكتور سعد الصويان

دغيمان الهمزاني من الاسلم من شمر من المشهورين بالحظ والتوفيق وصاحب راي جعل كثير

من العرب تتبعه وكان معروف ومشهور بمعرفته بالماء وكان هو من اكتشف بئر سماح في عهد

الامير محمد بن عبدالله الرشيد اكبر بئر في حايل

وهذه القصه ذكرها الدكتور / سعد الصويان في موقعه وانقلها مباشره من الموقع

دغيمان بالاول كان يتلى يوم شيب وانحنى راح لابا الدود يسوس لهم يقولون انه يعرف للماء

ودلوا ( اصبحوا ) يضحكون عليه القصمان يتمصخرون عليه يوم شافوه شويب منتهي عمره

عود يوم رد لربعه وهو يبكي من الغبن

عاد يقول شاعرهم :

ياراكب من فوق تسعين مشدود .........حيل يبتن نايفات الحزوم

خويكم جانا من الغبن مضهود .......... العود يتلونه عيال قروم

ياقايلن رمان رمان ماكود ........... حنا هله لين القيامه تقوم

رمان قسمناه ميمان وحدود........... لين صار به غرس يشادي الغيوم

رمان حامينه بقفش وبارود .........لعيون من حطت بخده وشوم

به ناصر اللي يقري الضيف وحمود ....يلقون بالوقت الغبر دب ودوم

ومطلق كما عد من الجو مارود.......بحدري مسير مشمرخات الرجوم

ياساكنين الدود دايم وهو دود ..... والناس عن ريحه تصك الخشوم

لاينقص الدنيا ولايازن العود ...قصره كما رجم سكن بيه بوم