كيف القبور الدارسه والجديده = لاعين لاروض به العشب ممطور
لياشفت قبره حن قلبي يريده= حنين عطشان على الورد مقهور
العاجزه ماها وضلعه وغيده= ماشاقني به غير قبر تحت صور
لوكان انا مادري من ايا بديده= لكن عبداله بــــــه اليوم مقبور
يامنتهي شكواي بيت القصيده= واقلبي الي تقل يصلى بتنور

عزي لعيني من بليل وفيحان =
هم والطيور وكم سيف وتفقان =
والخيل وركابه يعرفه فنيسان =
يامنتهى شكواي يابو سليمان =
لو كان لي به من هوى النفس خلان =
ركيابه لايركبه كل من كان =

دنياك هذي مثل ماقال مشعان =
قريت علي كل التواريخ وايزان =
وين ابو بندر وين متعب وعبدان =
خلتهم الدنيا شتات ونجران =

ماينعا خيّرولا له ضويلي =
الحزن جلّ عن البكا والعويلي =
ننعا لعبدالله بحق جليلي =
لو ينفدي بالروح هو والحصيلي =
يالله تعاوني بصبر جميلي =
حاربت أنا حيري وحاربت خيلي =
وقبل لهن عندي محل جليلي =

ماهبل مني إلا ثلاث سئلني=
وعقلي دفنته في ليال مضني =
يامنتهى شكواي واش محني =
كني عضيض الغلث وأن سلت عني=
قلبي الياشاف المقابر يحني =

يامصيبتي ماينطرا به مهنا=
يافارس الفرسان من غبت عنا =
لو الحزن ينفع عليكم حزنا=
لاشك مايجلا صدى الهمّ عنا =
بكوا لما أن عيونهم بزرنا =
صبرت لجل الصبر حق وسنا =
يالله تجمعني بهم جوف جنا =

أما عني يابوه ماني بناسيه =
ماكنه إلا غايب وابي الا قيه =
من الضلع لاجاء طارش قلت يغديه =
الله وأكبر كل ماحل طاريه =
استغفر الله كان قولي أنا فيه =

خلا جنيهاته يبي به شياهين =
ولا بي يدي شي ولا بي يده شين =
ناس قريبين وناس بعيدين =
كثير اللي خلوا الزين والشين =
خلاه لبليس خذوها الشياطين =
صيور ماحنا بثرهم مولين =

يا مال هجن ٍ من مناه الغديدي = اقفى بهن هزاع وغنيم وسعود
يفقى ويقبل مثل خيل البريدي = لما غدا المجحود عظمان واجلود
حموله ما يرخصون الزهيدي = ما يرخصون إلا المحاليف واعهود
رجالهم يضرب على ما يريدي = ما سال هزاع عن النقص والزود
وراه عن ذباح نايف يحيدي = وعلى غنيم كنه الحر مجرود
يامن يخبره صار سير ٍ عقيدي = الا علينا هو وجاسر وصاهود
لعل من يقضب حديهم بالايدي = او عاد يقضب هايف الفغم وسعود
ويقفي منه حي عسى ما يفيدي = قل آمين ياللي للمخاليق معبود
والله ماهم كفو حكي او قصيدي = مير (( الطنا )) يصطي على الكبد بحدود
وعرضتهم لمدورين الحميدي = اللي عوايدهم نصف كل مضهود
يوم ً خطو الشيخ مثل المعيدي = أسمه كبير وشوفته مثل فرهود
لولا عياله مرشدين وعبيدي "1" = وحظه وحظ اللي تنصاه منكود
عشرين خيالا ً عيال الحميدي = عجزوا من القشعان يدون مفرود
ياطير ياللي ما تعود تصيدي = متى غزيناهم ونظمن لك الفود
الحق بساقه مذهبين الضديدي = اللي مشاكلهم على كل مردود
الحمى علينا كل عام ٍ جديدي =لا جاء الشتاء ولا على ابراضه العود
نجدع به الغبطان هن والوهيدي = ونكسى روابها عجاج وبارود
عام ٍ خذينا به زبون البليدي = ماتوا بغيظ غبه العود والعود
ومات القصيد اللي بصاع المجيدي = اكتال ركان وليل خذ الزود
ديار ٍ خذيناها بحفر الحديدي = غصب ً على الزعلان والخد ممدود
من فوق شوص ٍ كنهن الفهودي = ملبوسنا من فوقهن صنع داؤود
والا الحداو والمنى ما تفيدي = والحكي ببلاش ً على الرجل منقود
تفرقت شاشات عمر وزيدي = اللي وخذ واللي سلم تقل مالود
خلق فياض العشب هو والزبيدي = ومبايع ً تلقا بها الزود ماجود
يا مفرق الأنساب جعلك سعيدي = ولعل حظك دب الايام بسعود
وبدشوه بالخكر هم والصميدي = وجره على بشر ً سبب كل مقرود
وخليق السفار يمشي قهييدي = لو عدو لهم سمر وبعارينهم سود