يابكرتي خبي جوانب طميّه=وتنحري ( برزان ) زين المباني
تنحري لطّام خشم السريّه=فرز الوغا لا جا نهار الوحاني
سلام اخو نورة ؟ لزومٍ عليّه=قبل الحبيب وقبل قاصي وداني

( ياليل ) سلم إليا جيت راكان=سلم على زيزوم يام واميره
اليوم بالعرب تقل جيران=ومن وين ما وجه تقفوا نشيره

الاحسان يابن عبيد يجزى بالاحسان=والشر ؟ تنطحه الوجوه الشريره
وحنا بديرتنا ولا جنب جيران=في شاية مايوازي جويره
حاميين ديرتنا بخيل وفرسان=يوم ان كل له حدودٍ وديره

خطك لفى ياحمود والنذل يفداك=وفهمت انا كلام النحاوي
وتوي عرفت انك (سفيه؟) بمعناك=ولا تحسب انك في كلامك رهاوي

لولا (أخو نـوره) جابك يــوم جــلاّك؟=تمــوت وأنت مــع الاجنـاب جــلاوي
غديت مثل اقذار الله يبلاك=وعرّضت ( يام ) للمحن والبلاوي
كم واحد في جرتك صار حواك؟=من عقب ماهو من بعاد المراوي
قصيدك اللي يابن حثلين خلاك=تضرب على طاش البحر ماتراوي
أذهبت ( يـامٍ ) في قـصيدٍ بحمراك=وبعتـه برخـص عقـب مانتـب غلاوي
ماجـاك شي إلا بثـر فـعـل يمناك=وإلا بكـثـر الحكي هو والـحداوي
وإن طعـت شوري ؟ حط حكيـك بمعناك=ولا تـصـيـر بـكل حــالٍ فـداوي
ترى التفدوي ذمّـه الله لـشرواك=بالـهـدي مـذمـومٍ ذبـيح الـكراوي
ذا قـول ٍ من لاهـو من النـاس يـدراك=لاهو هتيميٍ ولاهو حساوي
وإن كان تبغي النصح ؟ حنّـا نصحـناك=وإلا فـراعِ الـنـار به لـك مـكاوي

الحرب ياراكان توه جديدي=تركض به القرح وتغدي فلاها
إما مشيت لنا على مانريدي؟=تاطاك درجات الرمك في حذاها
وعشيقك اللي مثل عين الفريدي=دوك الدويش مقيلٍ في حشاها

ياراكب من عندنا فوق شقران=خرزها بالخرج فوق النحيره
أوصل سلامي ( لاخو نورة ) ببرزان=وعقب السلام تخبره بالسريره
من باب عمان اليا باب نجران=ماهو انا يا الضيغمي انت : اميره
فرز الوغى لاجا ثقيلات الاكوان=لاسل مصقول السنا من جفيره
وماقل دل وزبدة الهرج نيشان=والهرج يكفي صامله عن كثيره