ابيات ردثنا للاخ الشاعرظاهر فايدالمفضلي
 

يامر حبابك يانزيه الاشانيب
يابوعمر جعل المنايا تعداك

يامرحبا مليار مليون ترحيب
اناشهد انك وافين لاعدمناك

دايم تواصلنا بدز المكاتيب
وحنا ولو طال الزمن مانسيناك

جارن عزيز ودايمن تفعل الطيب
نلت المراجل يالدريعي بيمناك

لك يالدريعي بالجزايل تجاريب
الله يكثر بالبشرمثل شرواك

مدحت ربعي محتمين المراكيب
اولاد الادهم ياحصل هوش وعراك

لانك من الفضلان ذباحت النيب
حي الدويله وانت يالقرم حياك

ربعك هلا الطوله كعام الاجانيب
عدوهم يارد على حوض الادراك

نهر الروى ياقطرن المشاريب
وقهر البلاوي يوم دورات الافلاك

اهل السيوف اللي تقص التلابيب
عدوهم ماله عن الموت فكاك

مشعل عسام الغافل التريباني الشمري في6/2/1441هجري

رد: ابيات ردثنا للاخ الشاعرظاهر فايدالمفضلي