رثاء بالامير الراحل/طلال الـ رشيد رحمه الله
وجدتها منشوره بتاريخ 20/12/2003 على هذا الرابط واشكر من نشرها http://www.shmmr.net/vb/threads/17681 راح الامير..الشاعر/ميزر الطواله ورثائيه بالامير الراحل/طلال الرشيد يرحمه الله يقول الكاتب /فلاح السعد في مقدمته..تلك القصيده رثائيه قرأتها عند الاخ الشاعر المعروف المقدم/محمد العايد الجري الشمري وهي مرسله له من الشاعر ميزر الطواله وقد سمح لي كرماً منه بنشرها هنا حتى اشارككم وتشاركونني بجمالها هي هنا : ( راح الامير)
ياشين علمٍ بالصحافه قريناه=ياليت ماجابوا عليه الدلايل وياليت ماوسط المجالس سمعناه=ولالفوا به ناقلين الرسايل لكن قـدر ..والوقت ياكبر بلواه=والوقت فيه من البلا والهوايل غاب القمر عنا ونوره فقدناه=وماباليدين حلول والوقت مايل راح الامير اللي ينومس بطرياه=طلال راع المرجله والجمايل نسل الحرار اللي لهم يالعرب جاه=ال الرشيد منزحت كل عايل اهل الفعايل والسيوف المحناه=تشهد لهم بالفعل كل القبايل تاريخهم ما أظن الايام تمحاه=والوقت يحفظ ذكرهم والفعايل وطلال ماننلام لامن بكيناه=نبكي افراقه وازرق الدمع سايل وتبكيه شمر والمناعير تنعاه=وسلمى ..وجا ..تبكي وضلعان حايل واقول يستاهل اليامن رثيناه=طلال شوق اللي تكد الجدايل مرحوم ياحرٍ بعيدٍ معشاه=تـدمي مخاليبه نهار الصمايل وادعي عساها جنة الخلد ملفاه=في جاه رب البيت منشي المخايل وصلوا عدد برقٍ سرى وانتثر ماه=على الرسول اللي دعا للفضايل |
رد: رثاء بالامير الراحل/طلال الـ رشيد رحمه الله
رحم الله الامير الملتاع
يعطيك العافيه احترامي |
رد: رثاء بالامير الراحل/طلال الـ رشيد رحمه الله
صح لسان الشاعر ميزر الطواله قصيدة جزله والنعم بالجميع ورحمة الله على الامير
طلال الرشيد |
رد: رثاء بالامير الراحل/طلال الـ رشيد رحمه الله
عليه الف رحمه ونور ويعطيك العافيه
|
الساعة الآن 06:18 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع