جيت اكتب القيفان واختار قيفان=وابدي سلامي العزوتي بالتحايا
حنا طنايا لاغدا الوقت نيران=حنا شموخ العز حنا شفايا
يا عاذلي فينا الفخر صار عنوان=حنا الطنايا ما نهاب المنايا
شمر ثقال الروس يعلون بالشـان=لا لا تفكر ما نعز العطايا
كل الفخر افخر با غالـين الاثمان=حنا الرجوله والرجوله عطايا
الله يبي يخلق من الناس انسان=فيه الشهامه والشهامه هوايا
وحنا على مشهود تاريخ فرسان=فينا الشجاعه دوم بين الحنايا
من ( دار حايل ) دارنا عز الاوطان=لديار شمر ( بالجزيره ) سرايا
كل القبايل فخرنا دون نكران=لاكن انا خصيت ربعي ( الطنايا )
حبيت اذكر كل فارس بـميـدان=شيوخ شمر با المكارم سعايا
اجدودي الي بالصخه تطلق ايمان=افعالهم تذكر ولاهي خفايا
صفوك دايم صار للبر سلطان=( ذيب المراجل ) والشجاعه هوايا
وفرحان جدي عزنا الباشا فرحان=نسل الشيوخ وعزنا صار غايا
والي كسب صيت الكرم دون نقصان=عبد الكريم الي صخه بالعطايا
( وفيصل ) شموخ العز في كل الازمان=راي .. الكرم والمرجله فيه .. رايا
والي كسب تاريخ مجدن وعنوان=( الـيـــاور ) الي ما يهاب المنـايا
والي كسب صيت الزعامه بوجدان=( النـوري ) الي كان شيخ الشفايا
عزه من اخوانه واخوانه اخوان=افعالهم مثل النجوم بـسـمايا
واحدهم الي يبرز بكل ميدان=فرسان بالهدات تسري سرايا
واختم قصيدي بالشعر حيل خجلان=لايكون انا قصرت ذكر الطنايا

’