يا راويه حنا نعرف الروايات
ونفهم علوم جدودنا الاولينا
تاريخنا ماهو بحاجة دعايات
ندري عن التاريخ لوما حكينا
حنا الهيافا من جموع الدغيرات
أفعالنا لها الملا شاهدينا
يوم الشجاعةسايده بالملاقات
سدنا وشمر كلهم سايدينا
أما عن المجلا فأنا عندي إثبات
نقلٍ عن الشيبان والعارفينا
بدو بها العتقا ووردو بقطنات
نياق الوليغي يوم جاهم حزينا
قالوا نياقه لو عليهن طلابات
هذا دخيل البيت مناو فينا
كبيرهم سكران زبن الونيات
السبعة اللي كلهم صارمَينا
قام الحميدي وإجتمع بالزعامات
وأعيان شمر كلهم حاضرينا
قال انتم المجلا ولابه مراوات
إنتم لها أو إنكم عاجزينا
وإبن سند قال أرتكي للصعيبات
لكن ترى ما يرجع اللي يجينا
وصرنا نزبّن من جفوه القرابات
من حدته دنياه يزبن علينا
هذا كلام الصدق والصدق منجات
والكذب قوله نقص دنيا ودينا

الشاعر غالي ظاهر الحسيني الشمري