ساجر الرفدى فارس من الطراز الاول وعقيد غزوات مشهور وموفق لدرجة ان اهل نجد يدعون على بعض بالرفدى ويقول الواحد (ياملا الرفدى) حتى انه بنى بيت للصلبى خليف اللى يحذا الخيل براس اللبيد
يما حلا ياخليف تشييدة الكير **** براس اللبيد بين خضرا ولينه

وهو من السلقا من العمارات من ضنى بشر من عنزه وقد شاع ذكره واخاف الناس وكثر اتباعه ممن يريد الاطماع

وبعد حكم الاميرعبدالله بن رشيد حائل غزا عليه وطرده الى وديان عنزه وعرعر والحماد وقال هذه القصيده :

الله من عين تزايد حـــــــــزنـها **** والقلب من صكات الايام مسمور
من شوفتى دارتغير وطــــــنـها **** من عقب مان داله القلب مسرور
دنو لى الحمرا ومدو رســـــنها **** وهاتو ذلولى وانسفو فوقها الكور
ياما حلا المسلاف باول ضعنها **** مستجنبين الخيل يبرا لهن خــور
يوم انها نجد وانا من سكنــــــها **** واليوم مايسكن بها كل مـــمرور
شامت لعبدالله وانا شمت عنــها **** اللى يصبح به على فجت الــنور
وانا احمد الله سالم من شطنــها **** ومكيف مابين عرعر وابا القـور

وقد رد عليه الشيخ محمد بن دهيثم المختارى من الغفيله

ياراكب اللى كورها محنــــــها **** حمرا شناح الكوع مايزحم الــــزور
تلفى لساجر شوق رادع وجنـها **** ياشوق من قرنه على المتن مـنـــثور
هو ليه ياساجر تنحيت عنـــها **** اقفيت عنها ناير تقل مسعـــــــور
جزوك عنهااللى وساع طعنـــها **** عيال الطنايا هادمت كل طابــــور
يوم ان عبدالله بكفه مكنـــــها **** غدو لها عيال الطنايا تقل ســــور
نجد لنا مانعطيـــه فى ثمنــها **** وعن مايبيها عندها دايم حضـــور
نرخص عمار غاليه من جهنها **** ولا نعطيه لو لحقنا عندها جــــور
نجد حموها زوبع مع يمنـــها **** عيال الرجال مطوعه كل مسطـــور
يوم ان عبدالله ولاها ضمنـــها **** خلا هله بافراح وسعود وســـــرور

وبعد وفاه الامير عبدالله بن رشيد طمع ساجر وغزا على ذروات هجن الرشيد والجنب مع البل ابن زويمل وقتله وكسب البل وارسل هذه القصيده ويذكر فيها فزعته لأبن شعلان سطام على ابن مشهور ورد رايه الشعلان للشيخ سطام



ياراكب من عندنا فــــــوق مذعـــور **** ومخمر ماطق عقب العسافى
مافوقه الا الخرج والدل منشــــــــور **** ودويرع من فوق الامتان ضافى
ملفاك ابو بندر على فجــــه النـــــور **** ســـلم على كل مافيــه وافــــــى
عينت مزنن ضب عرعر وابالقـــور **** سيله عليكم منحدر بأنهــــــدافـى
اول هللها فوق راس ابن مشهــــــور **** وغدو بسيله ناقلين الشـــــــلافى
ياما اقبلن باخوان ربدا تقل ســـــــور **** وياما انتحن باخوان ربدا مقافـى
كم خير بمعالج الخيل مثبـــــــــــــور **** عليه بيضه طوحن الغــــــدافـى
والمركب اللى فوقه الدل منشـــــــور **** جانا بضرب مصقلات الرهافى
وسطام خليناه يركب على الكـــــــور **** عقب العناء والكود شاف العوافى
وخيل ضبابه وانتحى السيل بحـــدور **** سيل على كل المشاريف ضافى
وهلت على راس السناعيس شختـور **** وابن زويمل شاله السيل قــــافى
فاجاه من فوق الرمك كل مسطــــور **** خيال ذروه يوم هى بالعــوافــــى
غرنا على ذروات مع بلجة النـــــور **** وتخززوهن ناقلين الشلافــــــــى
ذروات اخذاهن ويبرا لهن خـــــــور **** يفداك مالك ياربيع الضعـــافـــى
هاذى فعايل مدبه كل صــــــــــابور **** قول على فعل وكاد يشـــــافـــــى



وصل الخبر والقصيده للأمير طلال العبدالله الرشيد (زقيحان ) فغضب غضبا" شديدا وامر بالغزو وتجهيز الجيش فى مربعانيه القيض وقالو له ياطويل العمر الثريا طلعت وساجر على الماء لكن الامير مارد على احد وقال امشو عليه وهو يقوم يحدا الامير طلال:

يابن زويمــــــل ماهنن نوم *** والقلب به شى حــــــداه
ماحسب ذروه ياخذونه قوم *** وانا على قيد الحــــــياه


ياعبيد عينى حاربت للنــوم **** من يوم واوى جاب علم الجيش
ماحسب ذروه ياخذونه قوم **** وراسى على الدنيا يعيـــــــــش

وصبحت شمر ساجروعربه وخذوهم وهرب اللى هرب

ثم رد الشاعر راشد بن عمر الاسعدى العتيبى من اهالى بقعاء وهو ممن حضروشارك وكان صنقورعبد طلال يرقص ويعرض :

ياراكــــب من عندنا فوق مسعور..... وقم الرباع مزيينن بالعســـــافى
ذاله ثلاث سنين يالقرم مذخــــور..... ماسامه السوام بسوم هوافــــــى
مافوقه الا المزهبه هى ويا الكور..... ودويرع من فوق الامتان ضافى
ياراكبه دزه ليا بيت ساجــــــــور..... قله تنبه كان انت بالنوم غـــافـى
حق عديتو بين عرعر وابالقـــور..... مع الغتار مدلبحن ماتشـــــــافى
وتذكرلنا خذيت ذود من الخــــور..... جن من عمامك يالشجاع السنافى
ماهن حلال الشيخ ياتايه الشـــور..... حلالهم حدب السيوف الرهافى
حلالهم غوش السناعيس وحيـور..... مقيمات ماترحل وساع الخوافى
اللى نماها للمساييرمنثـــــــــــور..... زود على اللى قلطو بالصحافى
مارواعزتيلك يوم ركبومن السور.... من فوق حمرالجيش قطم الخفافى
عدوهم لوهو ورا يمة الهــــــــور.... مايهتنى فى لذة النوم غـــــــــافى
سحابتن جتكم على فجــة النــــور.... سيله عليكم يالعمارات ضـــافى
ترعد وتبرق فوقكم قيمة الــــدور.... يصبح بردها فوق الاضلاع جافى
دلا بردها والزبد يصعد القـــــور.... واللى توكم سيلاها مــايشــــــافى
ياماخذت من عين ذود ومظهـور.... وياما غدا فى سيلها من سنافـــى
عشبه عياف بس للسبع وطيـــور.... ولغير الحوايم نبت عشبه عيـافى
على الركايا خلت النزل مزبــور.... وهدمت بيوت مرفين الرفــــافى
من ضرب شيخ يلحق الخيل صابور.. يلحق على نبط العجاج المقافى
بمصقلات فعلهن باللحم جـــــور.... تشلع جميع الراس هو والغدافى
ياوين قولك مدبت كل صـــابور.... عن حروة الصابور عطيت قافى
كلام شمريالله اليوم ســــاجـــور.... مامنهم اللى من فعولك يخـــافى
يوم طالعوبيتك تغازوه دعثـــور..... معهم سيوف الهند زرق خفـافى
رحتوكما صيد من الرمى مذعور.....ومنكم كسبنا لابسات الغدافـــى
رحتوكما سيل تقفاه حـــــــــاور.... من مدلهم تــــالى الليل ضــــافى
من بيرق يطرخ على فجة النور.... يودع صماصيم القبايل ضــعافى
دلا يزير الزير والجمع مزبور.... واللى ورا الوديان منهم يخـــــافى
هذا قضى ذروات ياتايه الشور.... فضيت محارمكم ورحتو مقـــــافى
وقدام بيتك يلعب العبد صــــنقور..... بين العمد يلعب على كل قافى
دين الضياغم مهو دين ابن مشهور... عادات شمرتعطى الدين وافى
ولا شمر الفدعان تصبرعلى الجور... ايضا ولا منك الطنايا تخـــافى
والفاطراللى عندكم صار له دور.... حنت وليا تالى حنينه عــــــوافى


حين ما قال الشاعر: جن من عمامك يقصد ذروات اولهن كسب من عنزه

ابو حارث
الله يعافيك لاهنت
ياحلو التوضيح
اجل كانت الابل حلال عنزة....هذا اكيد والقصايد شواهد
وترا عنزة الى الان يحاولون يتهربون من هذا البيت:
شامت لعبدالله وانا شمت عنــها **** اللى يصبح به على فجت الــنور
ويحاولون بشتى الطرق ان يكون المقصود بعبدالله هو ابن سعود وليس ابن رشيد
ولا ادري وش الفرق دامه مجلى عن نجد
والذل والهروب ياصار مجلى عن ارضك وعرضك وحلالك واحد مثل طعم الموت
واحد بالسيف ولا على فراشك ماتفرق.

الله يستر احوال المسلمين والله ماودك يصل التنكيل الى هاالمستوى
لكن اكيد الزود من ساجر ملفاه النقص وياجبل اتهزك ريح
هذا قضى ذروات ياتايه الشور.... فضيت محارمكم ورحتو مقـــــافى
وقدام بيتك يلعب العبد صــــنقور..... بين العمد يلعب على كل قافى
والفاطراللى عندكم صار له دور.... حنت وليا تالى حنينه عــــــوافى
لا والله ماتالي حنينه عوافي
وفعلا:
دين الضياغم مهو دين ابن مشهور... عادات شمرتعطى الدين وافى
لأن ابن مشهور يوم غزاه ساجر ورد الشيخة للشعلان مارد عليه ابن مشهور
ولا شمر الفدعان تصبرعلى الجور... ايضا ولا منك الطنايا تخـــافى
اجل الفدعان تصبر على الجور........

مع الشكروالتقدير
وانا اقول من الآن ياكثر مايبي يصير هنا من القص واللزق
علشان تأكيد من عبدالله االمقصود هنا.

ونعم بكم يالطنايا معروفين عبر التاريخ
ولكن
ساجر الرفدي معروف اخي يجوز انكم رديتو ذروات وهزمتوه اما تقولون انه هج وخله حريمه قويه ارجو عدم العبث في التاريخ.
وارجو ان تذكرو مصادركم التاريخيه التي ذكرت الامور اللي تقولونها