][ موقع قبيلة شمر الرسمي ][WwW.aLlShMr.CoM

- ۞ منتدى الشعر الشعبي ۞ (http://www.allshmr.com/vb/forumdisplay.php?f=16)

- - ابوصقر (http://www.allshmr.com/vb/showthread.php?t=69695)

السلام عليكم ورحمة الله وبركاته-------------------------------------------------------------------------------------

هذي الابيات قديمه كان بيني وبين حميد فلاح مراسله دايمه وارسلت لوه

الشاعر/ منيزل بن سرفاح الشمري

----------------------------------------------------------قال الذي يبدي مباديه حرفص
مـبـداه بــص وماقفـه ينتـهـي بيـص

مثايل(ن) عارفلها من تفحص
و لا هـمني مـنهـو عــيـونـه مفاليص

لحميد وجه ياقلم مننى نص
لشوق الهنوف ألي تضيم المشاخيص

قرم القروم ألي يحل المحقرص
ابـــن فــلاح لـيـاهــبـى لـكل نميص

أشرح بماكنه ضميري لمخلص
رفـيـقي ألـي رفـقتـه مـاهـي تحويص

أقول يابن العم عية تفرغص
كــل مـافـطـنـت أقـول مـامـنـه تخليص

دنياي يابن العم عقود وقصص
مـبلـوم بـه سـرحـان وطـول النيص

ياحميد بعض الناس قص البشر قَص
بكرخ الـمجالس فـغص الـناس تفغيص

ياحميد هذا ألي يحوس الفكر خص
واليـوم يـوم اليـوم مـاينـفع الحيص

القرم وشرايك ترى القلب يقرص
مـن عـلة(ن) بـالقـلب مـافيـه ترخيص

ومثلك يعرف ألي أحتوى له حرفص
حــر(ن) كـفـوفـه لـلحباري عواكيص

ومن لابتة(ن) على الحمياء تحرص
ويوم الملاقاء ذاكر(ن) فعلهم بيص

وتمت وهذا محتواه الملخْص
امـدح ولا اسـب غـير من قال تخريص

]---------------------------/وشكراً لبوفيصل (حميد):
ردعلي
--------------------
هلا هلا من وجه الخط لي نص
حيية يانسل الرجال المباخيص

اعداد من يسكن بلندن وقبرص
وعدة رمال طريف وسدير وخريص
-----------------------------
وسمحلولي ماني حافظ قصيدة حميد

رد: ابوصقر

هلابك أبوصقر والحمدلله ع السلامة وصح لسانك ملاااييين وبيض الله وجهك يالجزل
وين الغيبات يالغالي؟؟؟ ولله درك على هذا الإبداع...تقبل مروري وتحياتي
وآمل ألا تطوووول الغيبة.

رد: ابوصقر

هلا الف هلا باالغالي ابوطارق الله يسلمك ويعافيك يا ابوطارق والله تخبر امور هالدنيا

اشكرك جزيل الشكر ابوطارق شرفني مرورك العطر

رد: ابوصقر

صح السانك وعتلأ شانك قصيدها جزله من جزل

رد: ابوصقر

اخوي منيزل السرفاح

صح لسانك وعتلا عند الله شانك قصيده قمة الروعه لاهنت وجزله من راس شاعرجزل

تحياتي لك اخوي وتقديري واحترامي

رد: ابوصقر

صــــــــــــــــــــــــــــــــح لسانك

لاهنـــــــــــــــــــــــــــــــت

رد: ابوصقر

اخوي مقبل عيد صح بدنك

والغيم مرورك العطر

الله يعطيك العافيه

رد: ابوصقر

طنيان صح بدنك

الله لايهينك
يشرفني مرورك ياغالي