يمل عين للشريف محمد=دمعه تهلهل من شفا الرأس حادر
خذينا الخيل من العلا آليااشتهن=من البدو والحضر واللبس زين المصادر
وجرينا السبايا من الطايف والحرم=حلنا وحلينا بديار الدواسر
هزنا ابن حميد وعنا تنحا=كرم ملاقانا وسند النير ناير
وخذينا بوادي النير والصقور عزبه=صملان أهلها عقب البلال غاير
وجينا على بعض القبايل وأدبحوا=وقفوا وعرفوا بها حمران النواظر
وغرنا على طرش للصويطات بالحفر=وخلينا الحوض المليان خاير
وهزعنا بالمسير على ديار شمر=ما دبر المولى على العبد صاير
ادلينا بالديره اللي اسمها بأسم أهلها=اكرام اللحا ايام حر المساعر
مناخنا لعبدة تسعين ليلة=بالتلعة الليا حصاها جفادر
الياما لفونا زوبع فوق ضمر=قبن يلاوي صرعهن كل نادر
من فوق كل صهال وكل اشمرة=يطيرن ريغان العجاج الأجادر
وجتنا الجحافل من تالع والحفر=تسمع زغاريت البنات الجواهر
اليا وردوهن كالغروب الورد=وإن اصدروهن كالقاح الصوادر
ونشوف ضرب سيوفهم بظهورنا=مثل حقوق المزن من فوق ما طر
حلوا بتالينا وانقاد جمعنا=وايدين بيص تقطعن بحد شاطر
صكوا علينا بسربتين تذودنا=هذا يوردها وهذاك صادر
صاحوا علينا صيحتن تنثر الدما=وخذوا نوادي الخيل والعج ثاير
خذوا نوادي خيلنا واقرشوا بنا=وحنا على الطوعات والكون عامر
الخيل بالفرسان قامت تذودنا=من دور العيلات هذاك عاثر
صاحوا علينا صيحة ترمل النسا=يشيب به المالود وياجي التذاكر
علنا عليهم عيلتن من خطانا=وأنا على ما قدر الله صابر
وتجاولنا بالجموع بطراف موقق=وصارت علينا من كبار الكساير
ونشوف جدع الخيل منا ومنهم=هشيم طلح جابه السيل حادر
وجانا اصبي لا طال عمره=خلا عجاج الخيل عدا الكواسر
وقمنا ننخا كل قرم امجرب=يا الله يا قادر على كل قادر
ونخينا بيص وين أبن عشية=الياما هفا حدر السيوف الشواطر
قلت يا بيص يا بيص انح الخيل عنا=يا بيص يا فرز الوغى يا آبو شاكر
ورد عليهم بييص واحمر السما=وغدت سروج الخيل مثل البواخر
وتلقاه أخو شلوى وأعطبه=بشلفا تلظا بين الضلوع شاطر
وتركنا بيص بريع المغنى =تمره القطعان ليا لفت صوادر
ووردنا الخليفه تاركين شيوخنا= عياض وحوشان ومحتمي الخيل ناصر
وخلينا جبا روالزناتي وعبدالله = غربي بزاخه لاسقتها القواطر
ظيمي بني عمي مكارم لابتي = أركوا على كبدي حامي المخاطر
تلفي بني عمي أهل الجود والصخا= اشراف فروع القبايل مصادر
أن نشدوك عن حالنا عطهم الخبر= ترى حلات العلم ياتي مبادر
باسباب سرنا ثم غرنا وصارت كسيره= الراس من كثر الهواجيس سادر
عز الله اني مانويت حربهم = مار الله اللي قدر الأمر قادر
وحلفت ماجي ديارهم عقب مامضى= كود نتواجه عند رب المقادر
هذا كلام للشريف محمد = يذكر فعولن ماضين له بوادر
هذا وصلينا على سيد البشر= اعداد ماكبر بروس المنابر

قال الزميلي والزميلي عايد=سهرت أنا وكل العباد ارقود
على السيافا من حرب الشريف سندوا=حالوا شمال وهفوا النفود
يتلون أبن صلال ولد محمد=المانعي بعسر السنين يجود
يا ما ذبح من جملة النيب فاطر=ومن حايل مشيه مع أول الذود
خريصات مقوى صبركم اليا ابتليتوا=خريصات ومعهم سربة العامود
ينحون خيل الضد عن إقطاع ربعهم=ولد الفواري والحشاش حمود
الحمد لله ما نقول بغيرهم=خذوا الملوك وجابوا الأصايل فود

جان الصبي لا طال عمره = خلى عجاج الخيل عدى الكوادر

المشاركة الأصلية كتبت بواسطة سنجار (المشاركة 233840) اخي الاشعلي حياك الله واشكر مداخلتك اخي والنعم بكل شمر القصيده اللي وضعته انت متناقضه مع نفسها ونحن نتوخى الحقيقه ولـو ندنـا عبـده كمـل الهـوش منهـم=مثـل دغاليـب نشفـت عنهـا المغـادر هذا البيت مضاف لان عبده تسعين يوم وهم مستمرين بالمعركه وبقوا مستمرين الا ان انسحب الشريف ومن معه قطـع يديـه الفـارس اخــو شـلـوى=حـر الحـرار اللـي بفـرع المـواكـر وقمنـا ننخـا كــل غــرو مـجـرب=يالله يـاقـادر عـلـى كــل قـــادر قـلـت يابـيـص يابـيـص الـوغــا=وين ربعنا يابيص الوغـى يابـو شاكـر وتلـقـاه راع التجغـيـف واعـطـبـه=بشلفـى تلظـى بيـن الاضـلاع شاطـر انظر الى هذا التناقض في قصيدتك اخوى شلوا هو العجرش الذي قطع يدي بيص ووفي البيت الرابع تقول التجغيف اللي اعطبه التجغيف وقصيدتك لم تذكر الشرفا الذين قتلوا في المعركه اخي انا احترم مشاركتك ولكن سبق وقلت اننا نتوخى الحقيقه كما هي والف نعم من جميع شمر وحمايله نترك الرأي لمشاركة الاخوه ومع كل الاحترام والتقدير وتحياتي لك