انا كل ماقلت اترك الشعر واعتزله=تفيض القريحه بالقوافي وانا مادري
 

انا كل ماقلت اترك الشعر واعتزله
تفيض القريحه بالقوافي وانامادري

انا والقصيد اقران مابيننا عزله
ترعرع بخفاقي وهيمن على صدري

تصافق بحوره والضماير تعززله
تصلفق حرارن طالعة شرد الكدري

عيون القريحه ندر الشعر تغمزله
تغازل بحوره واقبل الشعر من بدري

اجنب هزيل الشعر واشفق على جزله
واجمع عبيرالورد من فيضة السدري

قطفت الزهور وجبت ممارعى نزله
وبنيت الصعاب اللي بلفح الهواءتذري

اجمع صعيب الشعر خزله ورى خزله
واراهن على مبناه واوفيلهن نذري

من خافقن كن الفرايد تحجزله
حرن يجندل شرد الابيات من بدري

يصخر بيوتن باجمل الشعر يرمزله
تشعشع كما ضي القمر ليلة القدري

فرايد بيوتن ماوجد بينها هزله
بذلت الجهود بسبكها واقبلو عذري

كلمات/مشعل عسام التريباني الشمري /7/5/1440هجري

رد: انا كل ماقلت اترك الشعر واعتزله=تفيض القريحه بالقوافي وانا مادري
 

صح لسانك ملايين شاعر الحكمة

رد: انا كل ماقلت اترك الشعر واعتزله=تفيض القريحه بالقوافي وانا مادري
 

صح بدنكي اختي الشمريه المجهوله

رد: انا كل ماقلت اترك الشعر واعتزله=تفيض القريحه بالقوافي وانا مادري
 

صح الله لسانك
دايم مبدع

رد: انا كل ماقلت اترك الشعر واعتزله=تفيض القريحه بالقوافي وانا مادري
 

صح بدنك ياخو السيافا
الله لايهينك يابعدي

رد: انا كل ماقلت اترك الشعر واعتزله=تفيض القريحه بالقوافي وانا مادري
 

رد: انا كل ماقلت اترك الشعر واعتزله=تفيض القريحه بالقوافي وانا مادري
 

اخوي رعدالشمال
الف شكرلك على المرور والاطرئ الله لايهينك يابعدي