الطيب فرصه والمواقف لها حصان=اللي مكانه دايم ٍ في الصدراه
والمرجلة فعل ماهي خرجة لسان=والطيب رجم ٍ مسكنه راس قاله
البارحة مابين ضايق وطفشان=سمعت عبدالله يسوق البشارة
العلم .. قال العلم جابه كحيلان=الشيخ ابن ثاني أمير الاماره
وقّع لآبو باسل* ذرب الايمان=تقريب من يومين صدّر قراره
قال ابشروا بالعدل وحقوق الانسان=جفني غطى ورموش عيني ستاره
ولد الطنايا مايحصل له أوطان؟؟؟=من القهر ماخذ جواز استعارة ؟؟
لو هو من الافغان قلنا من الافغان=مير البلا شبه الجزيرة دياره !!
في كل ديره له بني عم ٍ واخوان=مير الله أكبر وقتنا كيف جاره
وماني بناسي يا علي (قصر برزان)=داخل قطر عندي تعلَّى جداره
وما جزا الاحسان الا بالاحسان=والطيب بالطيّب مابه خساره
شكراً ابن ثاني مع الشكر عرفان=مني ومن شمّر خذيت السفاره
نرفع لك البيضا شباب ٍ وشيبان=بيضا ترفرف لك براس المناره
صحيح من قال المواقف لها حصان=والطيب رجم ٍ مسكنه راس قاله

السنجاري والله هذي بشاره الله يبشرك بالخير

وبيض الله وجه امير الاماره وصح لسان

الشاعر عبد الكريم الشمري الغيور

مبروك الجنسية القطرية
وصح لسان عبدالكريم
نـقــل جـمـيـل
اشكرك