][ موقع قبيلة شمر الرسمي ][WwW.aLlShMr.CoM - قصيدة المرشحه بالبرلمان العراقي / علياء الدليلي الشمري .. وردي المتواضع عليها

- ۞ منتدى الشعر الشعبي ۞ (http://www.allshmr.com/vb/forumdisplay.php?f=16)

قصيدة المرشحه بالبرلمان العراقي / علياء الدليلي الشمري .. وردي المتواضع عليها

هذه القصيدة وصلتني من المرشحه في البرلمان العراقي
علياء ابراهيم الدليلي الشمري
وهي تنخا شمر يقفون معها في الانتخابات المعلنه في العراق

ياهاجسي صدر جزيلات الاشعار=وابدى بذكر اللي على المجد سارا
شمر هل الطولات طيبين الاذكار=اللي لهم بالطيب حظ وصدارا
ذكرتهم يوم(ن) غدا الفكر محتار=ونصيتهم يوم الزمان استدارا
وين الطنايا وينهم نسل الاحرار=وين الرجال اللي لها الطعن كارا
نخيت صبحي وين طلابة الثار=اللي لهم بيرق العز شارا
اللي لهم في صفحة المجد تذكار=صبحي ثقال الروس ماهم نكارا
وانخا بها الهيشان وافين الأشبار=اللي لهم بالكون عزم وسطاره
وطني نهار الكون ماساق الاعذار=مزبان ربعه كنه ريس وزاره
وصايح ذراكل مجد شبابة النار=اكعام وجه المتدي وعز جاره
وانخي عيال العود يوم الفشق ثار=لطامة الكايد طوال العمارا
وزبع وعبدها خصها صغار وكبار=واسلم هل الحيسا رجال ٍ غيارا
ولا ,, الخرصة لامن رحى المعركة ثار=تطير روس القوم يمنى ويسارا
وسنجاره الجدعا جرى طيبها انهار=وفداغه البلها تواقد شراره
واعجيل حلال الصعيبات بافكار=عوارف ٍ للحق ورث ومهارا
والعامود والثابت كما وابل امطار=عدوهم ذاق المذله بمراره
خصيتهم بالمدح ,, وكل ٍ بها اخيار=وذكرتهم بالطيب عز وفخارا
من يم ربيعة مغرب ٍصوب سنجار=للموصل الحدباء توارد اخباره
ومن الجزيره للرمادي للانبار=لـ ,, بعاج والبيجي كما الشمس ناره
هم في ظلام الليل نجوم ٍ واقمار=للعز هيبه وللمفاخر مناره
تبشري جوك السناعيس ثوار=تبشري جوك الطنايا تبارا
دام الطنايا مقرنسه بروس الاكوار=ماهزني جور الزمن وانكساره
تشيلها لوهي ثقيلات واكبار=اليا رتكوا لحمولها بجداره
قلته : وانا بنت الدليلي عم نار=ماثني الكلمه واعيد العباره
والله ماعود عنها لوصار ماصار=ماهمني مد البحر وانحساره
الموج قدامي ولاعادبه اعذار=والموت خلفي ومااهابه جساره
والله لاشد حزامي وافج الأغوار=دامي قوية باس اصل قراره
وين الطنايا وين فزعة الاحرار=في غيرهم شعري بوار وخساره
نخيتهم والحر ان وكر وطار=حر ٍ ولاله غير عالي مداره
تمت وصلوا ع النبي خير مختار=ياسامعين الصوت ابدوا قراره

مرشحة البرلمان العراقي

علياء ابراهيم الحريري الشمري

.................................................. ...................................

وهذا ردي المتواضع امام شموخ قصيدة علياء الشمري

الذي كتبته الآن على التو

ياهاجسي ابدع جزيلات الاشعار= سطر معاني من ظميري مساره

لـ ,, عيون من تنخا العنية الاخيار=بنت الحريري من سلايل حرارا

يامرحبا واعداد ماهلت امطار=من المزون المرهفات بغزاره

صوت ٍ لفانا من شخانيب سنجار=لبيه ياخشف ٍ يقود العذارا

عزي الطنايا ع المهمات حضار=للشيمه ساس والحميا شعاره

يمشون في دروب المنايا والاخطار=من السطر يطنون مثل السكارا

زهيد ماهابوا صعيبات الاقدار= عند الكرامه تبيع غالي عمارا

عاداتنا يوم اللقا ناخذ الثار=بظهور صنع معربات(ن)مهارا

شمر صروح المجد ماضين الاخبار=بهداتهم تشبع نسور المعاره

ربعي طنايا للوفا دوم تذكار=وبوابة التاريخ لهم سفاره

ومثل الربيع الزين يكونون للجار= وعلى العدو اعصار يدمر دمارا

غلبا خيار القوم صلبين الاشوار=اللي بنوا في وسط حايل اماره

وجاك الخبر عبر الرسائل بـ ,, الاقمار=شمر ابعاد الصيت ابدت قراره

تبشري بالفوز يانسل الاخيار= وراس ٍ اذا مافيه شيمه خساره

وصلاة ربي عد ماتلفي زوار = على النبي واعداد ليله ونهاره

بقلم

الشمريه المجهوله