][ موقع قبيلة شمر الرسمي ][WwW.aLlShMr.CoM

][ موقع قبيلة شمر الرسمي ][WwW.aLlShMr.CoM (http://www.allshmr.com/vb/index.php)
-   ۞ منتدى الشعر الشعبي ۞ (http://www.allshmr.com/vb/forumdisplay.php?f=16)
-   -   قصيدة رثاء الشيخ مدلول المطلق(شيخ الجزيرة) (http://www.allshmr.com/vb/showthread.php?t=67126)

ابو غلا الزوبعي 2011-11-08 09:44 PM

قصيدة رثاء الشيخ مدلول المطلق(شيخ الجزيرة)
 
السلام عليكم ورحمة الله وبركاته

قصيدة في رثاء
الشيخ والزعيم مدلول محمد مطلق الجرباء شيخ شمر الجزيرة
واعتبرها وفاء مني وبأسم عشيرة الحرصه
لما بينا من مواقف معروفه لدى شمر
ولما له في قلوبنا من معزه وحب لشخصه وشخصيته المعروفه
الى رحمة الله يا ذاك الوجه

حزن(ن) طوانا نعلنه طول الازمــــان
نبكيـــك يا مدلــــول حتى وعدهــــــــا
نبكــــك لو ان المحاجر والاعيــــــــان
انهت ادموعه من دمــــــانا مددهـــــا
الكل شوفي لــــه على العيد فرحــــان
وحــنا بكينا شيخنــــــا هو سعدهـــــــا
نبكي حفيد اللي علــى الخيل فرســــان
خيـــال كــل الشمريــــن بوكدهــــــــا
جربان يالـلي ورثكم نســـل شيخــــان
من صارت الدنيــا وربـــك مهدهــــــا
ياعدّو العربــان يا قــــيل جربـــــــــان
شيوخ(ن)على درب المراجل سعدهــا
قمت اتذكر كـــل وقت لهـــم فـــــــــان
يوم(ن) كل(ن) بالمواقف حمدهـــــــا
اخو منيفة لا انتخى الذيب سرحـــــان
مواقفه كل(ن) عرفهـــــا شهدهـــــــا
ياما ذبح للجوع حيل(ن) من الضــان
وياما يوزع للعرب لو حصدهـــــــــــا
يوم(ن) علينا عيلتين(ن) ابهتــــــــان
واقفت حمــايل شمر(ن) لو نعدهــــــا
قال اقبلو حنا على الهوش شجعـــــان
وديارنا بــــه للحريصي سعدهــــــــــا
هو شيخنا هو عزنا هو له الشــــــان
واللي نحب ارواحنا لــه نمدهــــــــــــا
خلًفت شبل(ن) يا كما طــــير حـوران
هو خلفتك شيخ(ن) لنا من بعدهــــــا
نخصـك احمد مننا فعــل ولســـــــــان
حنـــــــا احزامك والمراجل تجدهـــــا
انخى وحنا فزعتك دون نقصـــــــــان
ياتيك جمع(ن) ما حصينا عددهـــــــا
حرصه حريصين(ن) بالاكوان شجعان
هم بالمراجل متعبين(ن) جهدهـــــــــا
مرحوم ياشيخ عسى وسط الاجنــــان
في جنة الفردوس تلقى وعدهـــــــــا

اخوكم محمد بن عياده الحريصي الزوبعي

ابو طارق الشمري 2011-11-08 10:38 PM

رد: قصيدة رثاء الشيخ مدلول المطلق(شيخ الجزيرة)
 
أبوغلا صح لسانك مليووون ولاهنت ورحم الله الشيخ مدلول رحمة واسعة
عاداتك الوفاء والإبداع يابوغلا...تقبل مروري وتحيااااتي.

ابو غلا الزوبعي 2011-11-08 10:51 PM

رد: قصيدة رثاء الشيخ مدلول المطلق(شيخ الجزيرة)
 
اقتباس:

المشاركة الأصلية كتبت بواسطة ابو طارق الشمري (المشاركة 971396)
أبوغلا صح لسانك مليووون ولاهنت ورحم الله الشيخ مدلول رحمة واسعة
عاداتك الوفاء والإبداع يابوغلا...تقبل مروري وتحيااااتي.


ابو طارق الشمري

هلابك وصح بدنك مليون ولا يكفن
وشيوخنا يستاهلون
والف نعم منك وشاكر مرورك

{{سلطانه}} 2011-11-08 11:43 PM

رد: قصيدة رثاء الشيخ مدلول المطلق(شيخ الجزيرة)
 
صح لسانك واعتلا شانك

رحم الله الشيخ الجربا

ابو غلا الزوبعي 2011-11-09 12:18 AM

رد: قصيدة رثاء الشيخ مدلول المطلق(شيخ الجزيرة)
 
اقتباس:

المشاركة الأصلية كتبت بواسطة روز الشمال (المشاركة 971423)
صح لسانك واعتلا شانك

رحم الله الشيخ الجربا


روز الشمال
مشكور في مرورك
والله يعطيك الف عافيه
وكل عام وانت بخير

الشمريه المجهوله 2011-11-09 12:25 AM

رد: قصيدة رثاء الشيخ مدلول المطلق(شيخ الجزيرة)
 
حي الله اخونا الكريم

وشاعرنا الجزل

ابو غلى

صح فكرك وصح ذاتك

على المرثية القيمه

التي تستحق تقييم خ ـمس نجوم

ورحم الله الشيخ مدلول

ابن محمد المطلق ( راعي عنيفه )

واسكنه فسيح جناته

دمت ودام عطاء قلمك الحاتمي

حـمـد 2011-11-09 01:13 AM

رد: قصيدة رثاء الشيخ مدلول المطلق(شيخ الجزيرة)
 
صح لسانك


بيض الله وجهك

ابو غلا الزوبعي 2011-11-09 09:19 AM

رد: قصيدة رثاء الشيخ مدلول المطلق(شيخ الجزيرة)
 
اقتباس:

المشاركة الأصلية كتبت بواسطة الشمريه المجهوله (المشاركة 971441)
حي الله اخونا الكريم

وشاعرنا الجزل

ابو غلى

صح فكرك وصح ذاتك

على المرثية القيمه

التي تستحق تقييم خ ـمس نجوم

ورحم الله الشيخ مدلول

ابن محمد المطلق ( راعي عنيفه )

واسكنه فسيح جناته

دمت ودام عطاء قلمك الحاتمي

هلابك
اختنا
وشاعرتنا
واديبتنا
الغاليه
الشمريه المجهوله
كم يشرفني مرورك
والله كنت فاقدك وذكرتك
ولاكن الطيب عند طاريه
صح بدنك
وسلامي لعائلتك الكريمه يابنت العم

ابو غلا الزوبعي 2011-11-09 09:31 AM

رد: قصيدة رثاء الشيخ مدلول المطلق(شيخ الجزيرة)
 
اقتباس:

المشاركة الأصلية كتبت بواسطة حـمـد (المشاركة 971465)
صح لسانك


بيض الله وجهك

حمد

اهلا وسهلا بك

شاكر مرورك

ووجهك ابيض

ابو غلا الزوبعي 2011-11-14 10:15 PM

رد: قصيدة رثاء الشيخ مدلول المطلق(شيخ الجزيرة)
 
اشكر كل من مر وشارك

في موضوعي ولا هنتو

اخوان أعزاء وزملاء كرام


الساعة الآن 04:52 PM

Powered by vBulletin® Version 3.8.6
Copyright ©2000 - 2018, Jelsoft Enterprises Ltd allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0509909099 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع