يالله انا راجيك رب السموات =ياغافر ٍ للعبد ذنوب ٍ كثارا
تغمر ( سحابٍ ) بالفرح والمسرات=دربه خضر والخير دايم مسارا
ياشمعة النمرود بين الأميرات = خدك شعاع الشمس بأول نهارا
ياشامخة بكل المعاني الفريدات =كل القصايد عند وصفك حيارا
ياسيدة غيد المها والجميلات=هيهات مثلك ينوجد بالعذارا
بنت آل سعود أهل الكرم والبطولات=ملوك العرب شبه الصقور الحرارا
هاماتهم سلمى تضاهي المجرات=من لابتن وسط القبايل ندارا
مرحوم ياراعي المبادي العظيمات=عبدالعزيز اللي حكم باقتدارا
وعبدالله حر ومنزله بالطويلات=جعل الديار اللي يحكمها عمارا
بحر الصخا وقت السنين الشحيحات= تسلم يمينك ياربيع الفقارا
وجده صفوق الهيلعي بالملاقات= مروي جموع الفرس كاس المرارا
ومطلق اخو جوزا زبون الونيات = زعيم شمر قاصفين العمارا
وفرحان والحميدي رجال الصعيبات= من الطنا بأرض المعارك سكارا
وسعود يظهر باليالي العسيرات=بالموزمه شبه الليوث الجسارا
دوم الطنايا منجزين المهمات= من دور الامسح والشريف وعرارا
يستاهله نسل الأصول العريبات=خالد يادرع المملكة وافتخارا
ولد الذي دايم افكاره جزيلات=من حكمته دمر عدوه دمارا
ماهزته فول العجم بالخيانات=ملوك ٍ على أسم العروبه غيارا

يـاشـمــعــة الــنــمــرود بـــيـــن الأمـــيــــرات= خــــدك شــعــاع الـشـمــس بــــأول نــهــارا
يـاشـامـخـة بــكــل الـمـعـانــي الـفــريــدات =كــــل الـقـصـايـد عــنــدك وصــفــك حــيــارا