ياهاجسي ابدع جزيلات الاوزان=سجل قوافي من ضميري عذيه
على الذي خده كما برق الامزان= ولا ,, كما ضي القمر بالمسيه
فيها جمال الشرق مع زين الاسبان=وفهم ورزانه وطبعها اجوديه
مشاعل اللي كنها ريم غزلان=خشف ٍ يقود الصيد بأرض ٍ خليه
ياعود موز ٍ نابتن وسط بستان= ومنين مامال الهوى مال فيه
متواضعه ماغرها الجاه يافلان=وفيها شموخ اجبال سلمى الابيه
وفيها الطنا من صفوق في بعض الاحيان=مورد فلول الفرس حوض المنيه
متورثه الطيب من كل الاركان = مع هيبة الأشراف وشيمة بنيه
حازت على حب القرايب والاخوان=طبعه حشيم وفي وعوده وفيه
به ميزتـ(ن) فعل الجمايل والاحسان=قلبه رحوم وبالكرم حاتميه
مهرة اصيله من سلايل كحيلان=بنت الذي بالضيق يثني لـ خويه
عريبة الأنساب والساس جربان=أهل المفاخر والشرف والحميه
خلفت الباشا من مواريث فرحان =الهيلع القرناس الحر الشفيه
عمه سعود اللي على الطيب شفقان =ريف الفقارا بالسنين الرديه
وصلاة ربي عد حروف ٍ بـ ,, قرآن =على النبي مني سلام وتحيه

المشاركة الأصلية كتبت بواسطة ابن الضياغم (المشاركة 1145036) مـــع هـيـبـة ( الأشـــراف ) وشـيـمـة بـنـيــه هل الاشراف القبيله ام الرجال الشرفاء والف نعم بالاجواد صح لسانك وطاب فالك

المشاركة الأصلية كتبت بواسطة لعيون الطنايا (المشاركة 1145037) صح لسانك وعتلا شانك على هالشامخه وافيه شاعرة الطنايا , وتستاهل المدح درة الاجواد بنت الباشا اجمل التحايا

المشاركة الأصلية كتبت بواسطة الانماء (المشاركة 1145041) صح لسانك ودام بوحك