الصورة اللي معك بالعرض بكتني
 

صورة المرحوم حاطها ولده بالعرض ويوم شفتها كتبت هذه الابيات

الصورة   اللي   معك   بالعرض  بكتني
ياشفتها     سبّلت     عيني     عبايرها

ياشفتها    عبرتي     بالصدر     تكتني
اصارع    الدمع   والعبرات    اقهقرها

انا    عيوني     عقب   فقده   تبلوتني
الدمع  في  موقها   حرّق   محاجرها

مرحوم   ياللي   عليه   العين   قزّتني
تنثر    دموعه    عسا   ربي   يصبرها

اخوي  درعن  ظفا  ستره  على متني
نفسي عقب فرجته  ضاقت  معابرها

العين   عقبه   من    العبرات   وازتني
تهل  دمعن   تضايق   وسط   ناضرها

سود الليالي  على  الاحزان   ساقتني
وموارد   النفس    مر الوقت   كدرها

حمولة  الوقت  جارت  واكهلة   متني
واركت على مهجتي حامي مخاطرها

عيني قزت واسبلت دمعه وضامتني
وعجزت ارده عن الدمعات واقهرها

غصبن عليّه دموع العين زارتني
يامكبر الفقد والعبرات مقشرها

مشعل عسام التريباني الشمري في 26/10/1441هجري

رد: الصورة اللي معك بالعرض بكتني
 

رد: الصورة اللي معك بالعرض بكتني
 

صح بدنك شكرالمرورك لاهنت

رد: الصورة اللي معك بالعرض بكتني
 

صح بدنك شكرالمرورك لاهنت اخوي السكبه

رد: الصورة اللي معك بالعرض بكتني
 

صباح الخير إسمح لي أبدي إعجابي بقلمك وتميزك وإسلوبك الراقي وتألقك ,,

رد: الصورة اللي معك بالعرض بكتني
 

اخوي حمدالغيثي
شكرالك على هذه الكلمات الطيبه بيض الله وجهك

رد: الصورة اللي معك بالعرض بكتني
 

رد: الصورة اللي معك بالعرض بكتني
 

جزاك الله خيرورحم الله والديك اخوي بدر الخمسان
شكرالَرورك لاهنت