جبت بيض الصحايف وامتطيت القصيد
مشاركه في حفل زواج حمود عويد الخليل الجعفري الشمري
جبت بيض الصحايف وابتديت القصيد= وغصت وسط البحور وجبت مرجانها وانتحرت الجزايل بالكلام الجديد= لين روية سيوف الشعر واسنانها اقتحمت الفرايد لين ذاب الجليد= والقوافي شملها عفو سجانها للضياغم تلين القاسيه والعنيد= كل جزله تجيك تكاظم اعنانها لابتن بالملاقى يتعبون الضديد= فوق قب المهار تجود فرسانها جيت اشارك وابارك في فرحكم واشيد= واكتب النادره واتعب على شانها ياحمات الجهامه بالنهار الشديد= يارقص في نفوس القوم شيطانها يشهد السيف الاملح بالكلام السديد= وتشهد العاديات وطول ميدانها ويشهدن المهار مكاظمات الحديد= يوم شح الليال وكثرة اكوانها انتم اللي لكم في كل جزله رصيد= والمراجل لبستوها بتيجانها وانتم اللي لكم كل الصعايب تهيد= تقحمون الصعايب وسط ميدانها وتاصلون العدو لوكان داره بعيد= عنوته تقصرونه قبل ميحانها شوكتن للمعادي وسط حبل الوريد= وستر بيض العذارى وقت مزبانها سربتن بالملاقا ماتكل اوتبيد= كان شرس المعارك ثار دخانها يشهد الله علي ما قلت غير الاكيد= نلتو الطايلات وجبتو واسمانها كم هزمتو جموع وكم ذبحتو عقيد= وكم ضحيه جدعتو ها لسرحانها فعلكم مايشكك فيه غير البليد= سجلته الصحايف وسط ديوانها التواريخ تشهد والقلم القصيد= وارض حائل وساكنها وظلعانها وتشهد القاع واللي في صفاهايميد= وسطوة المرهفات ومدة ارهانها اينعت فيه روسن قدمت للحصيد= لين خضب حمرها جيد قيعانها مشعل عسام التريباني الشمري في/29/12/1439هجري |
رد: جبت بيض الصحايف وامتطيت القصيد
كفووو والف نعم في الضياغم وفيك
شاعر الحكمة وشاعرنا الجزل صح لسانك مدد الابداااع |
رد: جبت بيض الصحايف وامتطيت القصيد
كفوك الطيب شاعرتنا الفاضله
الشمريه المجهوله صح بدنكي الف شكر لكي على المرور والاطرى لاهنتي |
رد: جبت بيض الصحايف وامتطيت القصيد
أولاً:
مبروك لحمود الزواج (بارك الله لهما وبارك عليهما وجمع بينهما في خير) ثانياً: صح لسانك اخوي مشعل الشمري |
رد: جبت بيض الصحايف وامتطيت القصيد
اخوي ابومعاذ
صح بدنك الله لايهينك اخي الفاضل |
الساعة الآن 08:05 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع