![][ موقع قبيلة شمر الرسمي ][WwW.aLlShMr.CoM](images/misc/vbulletin3_logo_white.gif){kind=logo}
|
(( بــرطــم بــعــيــر ))
السلام عليكم ورحمة الله وبركاته صباح // مساء ......... الخير الجميع أقدم لكم قصيدتي هاذي وعسى ان تحوز على رضاكم وهي بربعي وعزوتي ,, قبلية النمصان من شمر. ((برطم بعير))
ياالله يامنشيى من الغيم الامطار=ويا مخرج(ن) تمر الحساء من نخيله ويافارق(ن) ملح البحر حلو الانهار=وياجامع(ن) بين الخليل وخليله مشتاق انا للدار وادور الدار=دار الغوينم عز منهو يجي له هم لابتي هم عزوتي وقت الاخطار=وهم الشموع اللي تشب الفتيله هم ماكر الاحرار من ماكر احرار=هم السيوف الحاسمه والصقيله أهل الكرم والطيب وافين الاشبار=والطيب منهم طاح وانهد حيله كم واحد(ن) منهم شجاع(ن) ومغوار=وعلى فعول الطيب ينسى مقيله يمشون ممشى جدودهم سر واجهار=والسيل سيل ولا يشذ بمسيله ربعي هل الناموس و الطيب و الكار=اعيال سالم من جذور(ن) اصيله نمصان يا برطم بعير وفزعت الجار=فكاكت البل يوم محد(ن) مثيله نمصان نمصان الفخر بكل الاقطار=وكل(ن) على ماقيل يمدح قبيله وانا مدحت اللي مثل واهج النار=وقولي صحيح ولا يجيب الفشيله والناس واجد من اواليد واخيار=واهل الحمايل ماتعد تحصيله والمعذرة لاصار زله بالاشعار=وكل(ن) عن الزلات ينفض شليله وتمت وصلو عد ما طاير(ن) طار=على شفيع الخلق يوم اشتكي له وسلامتكم تقبلو تحياتي وامتناني لكم. |
رد: (( بــرطــم بــعــيــر ))
الله الله عليك.صح بوحك. والله والف نعم بربعنا وسندنا عيال الحصان. ونعم بالغوينم حيهم وميتهم . بس والله العنوان مايعرفون معناه الكثير هناء. ودي الشرح لهم معناه بعد اذنك. برطم بعير هذا الاسم شمر سمو النمصان برطم بعير نسبه لمكان برطمه من جسمه متطرف ماهو متقي اومختفي يعني بارز لمجابهه اي خطر اومشكله فهم اي النمصان دايم بالطرف من يم الا اعداء. وسموهم بهذا الاسم سنجاره.. هذا معنى(برطم بعير) |
رد: (( بــرطــم بــعــيــر ))
الف نعم .. بالنمصان .. عيال الحصان .. هل الطلب
|
رد: (( بــرطــم بــعــيــر ))
القصيده جميله صح لسانك
والطيب منهم طاح وانهد حيله اجمل شطر في قصيدتك هذا من وجهة نظري قلت اجمل لم اقل هو فقط جميل |
رد: (( بــرطــم بــعــيــر ))
اقتباس:
هلا مساء الخير ح ـي الله اخونا الكريم وشاعرنا الجزل الشقاوي صح لسانك ملايين على القصيدة الجزله والعشر تنعام فيك وفي لابتك النمصان تم التثبيت وسيتم نقلها الى منتدى القصائد النادرة دمت بخير |
رد: (( بــرطــم بــعــيــر ))
الف نعم بك وبربعك النمصان وصح لسانك مليون ياالشقاوي
|
رد: (( بــرطــم بــعــيــر ))
اقتباس:
طنيان الله لايهينك يالعزوة ويرفع مقدارك وصــح بدنكـــ والف الف شكر على التوضيح السليم بس احب اني اضيف القليل: سبب تسميتهم بهذا الاسم او اللقب هو يعود إلى انهم غير انهم متطرفين .... كانو بالغزوات او الحروب يكونون غالباً في المقدمة ... وكانو ايضاُ مشهورين بردة البل . شكراً طنيان من القلب ولاهنت. |
رد: (( بــرطــم بــعــيــر ))
اقتباس:
ماعليك زود والله لايهينك شكراً على المرور. |
رد: (( بــرطــم بــعــيــر ))
اقتباس:
الجميل ردكــ صح بدنك وشكراً لك |
رد: (( بــرطــم بــعــيــر ))
اقتباس:
الله يحييكـ ويبقيكـ وصــح بدنكــ والنعم بحالكـ والله لايهينك على هذاا المجهود الرااااائع والف شكر من القلب دمتي بود. |
| الساعة الآن 09:56 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع