![][ موقع قبيلة شمر الرسمي ][WwW.aLlShMr.CoM](images/misc/vbulletin3_logo_white.gif){kind=logo}
|
ســــــــــــــــــــؤال
قصيده قديمه ومتداوله عند شيبان شمر وسمعانه منهم كثير ولكن لم احفظ منها سوى هالبيتين وياليت نعرف القصيده وشاعرها ولماذا قيلت يعني مامناسبتها البارحه ماعاد لجــلـــج نظيري ×××××××××××××عيني بها سم الحيايا وذرنوح العام لي واليوم صارت لغيــري ×××××××××××××تعارضه من وال الاقدار ساموح شكرا للجميع ابو غلا الزوبعي |
رد: ســــــــــــــــــــؤال
ان شاء الله يجي من يفيدك
|
رد: ســــــــــــــــــــؤال
الأخ ابو غلا ارجو المعذرة لأني اجيبك من الذاكرة ومعلوماتي غير اكيدة لكن هذا اللي تذكرته يوم قرأت الابيات التي ذكرتها في سؤالك ولا اعلم والله انا سمعت هذه الابيات في احد برامج البادية في الاذاعة او قراتها باحد الكتب المهم انها حسب مااذكر لواحد من الاسلم واظنه من الطوالة وقالها بمناسبة زواج بنت عمه من الامير عبدالعزيز بن متعب بن رشيد وانت اعلم بسلوم العرب اول وهي ان بنت العم لولد عمه لذلك قيلت هذه الابيات ولااظن ان لها بقية هي فقط هالبيتين هذا حسب مااذكر وان شاء الله يجيبك من هو اعلم مني
|
رد: ســــــــــــــــــــؤال
اقتباس:
أبو جعفر حياك الله وشاكر المرور والتواصل |
رد: ســــــــــــــــــــؤال
اقتباس:
الله يجزاك خير وماقصرت ويطول عمرك وانا افادني عنها قرابتن لي رمالي (خميس الصالح العيسى الفاران ) وقال قصه هالقصيده يقولون به رجال نشمي ومدهال للرجال وكان بيته ما ينقطع من الضيوف وله زوجه بعد طيبه وتساعده على فعل الطيب وكانت جميله الشكل والروح ولكن قدر الله وطلق زوجته بعد خلاف طويل وتزوجت من رجل ثاني بعيد عن ديرته وتزوج الرجل من احد اقارب زوجته السابقه لعله يجد فيها ما في زوجته الاولى من ذكاء وشطاره وجمال ولكن لم يجد ما بحث عنه فارسل رسولا لزوجته الأولى وقال هالقصيده. البـــــارحه عيى يلجلـج نظيــــــــري ×××××××××××××××××ياكن به سم الأفــــــــــاعي وذرنوح غرايبن تعــــــاولن فـــي ضميــــري ×××××××××××××××××نعوات خلج البدو لمصافـــق الروح اول نهـــــاره بس ورد وصديـــــري ×××××××××××××××××وتالي نهاره تلحق العزب وســروح جرميتن عقب العشاء له جظيـــــري ×××××××××××××××××خوافتن قلبه من الولــــــف مجروح تعـوي على غرون بعقلي خشيـــري ×××××××××××××××××حطه على فراض الأصباع ذابــــوح مع السلامه إن ذكــــرتن بخيـــــري ×××××××××××××××××يعل أذكركم بالاســــــرار وفـــــروح العام وأنت لبيت أهلنــــــا قصيـــري ×××××××××××××××××ومشروبنا من صافي الجـــم نقروح العام لي واليــــــوم حضن لغيــــري ×××××××××××××××××عسى يجيك من العواثيـــــر ساموح وان عاضبت عند المطـــوع وميري ×××××××××××××××××أنخى شجاعن وافي الذرع ممــدوح ليا هد وارخى مرهفات الجفيـــــري ×××××××××××××××××يقدي كما هيش سكن وادي الــدوح ياخد خلي ياشقــــــاق الصـــــويري ×××××××××××××××××زاه البياض اللي به البار مكــــبوح وله حجتن مثل اصطفاق الغديـــري ×××××××××××××××××يا شبه عين اللي عن القفر مذيـوح النهد فنجالن بكـــــف الزهيـــــــري ×××××××××××××××××هيالع من صافي البـــــــــن مذروح والجلد ليين مترهفــــــات الحريري ×××××××××××××××××مع تاجر دور به اليــــــــوم مربوح والريح ريح مروكــــــــات الدويري ×××××××××××××××××في وسط دكانن بالأســـواق مفتوح |
رد: ســــــــــــــــــــؤال
الله يعافيك يــبو غلا اللي خليت الواحد يرجع لكتبه وينفض عنهن الغبار الابيات اللي ذكرتهن بسوالك لحمدان بن طوالة ومناسبته يوم يتزوج الامير عبدالعزيز المتعب بنت برغش بن طوالة وهي بنت عم حمدان هذي قصته بكتاب من آدابنا الشعبية لمنديل الفهيد الجزء الثالث ص 144 وص 145
والظاهر ان به قصيدة ثانية لمجهول بنفس اللحن والقاف او انه نفس قصيدة حمدان بس الناس ينسبونه لشاعر ثاني واعذرن تعاجزت عن كتابتهن وصورتهن من الكتاب ويمكن التصوير مهو واضح. |
رد: ســــــــــــــــــــؤال
اقتباس:
الله يجزاك خير وماقصرت حقيقه مجهود رائع لكن حبيت انك ترجع على الكتاب بخصوص هذا البيت ياحيف كيف الزوبعي والدغيري××يلعب بهم طفلن سرح له بشرشوح وتجد ما قصته خصوصا ان هذا البيت مرقم بـ(1) تحياتي لك |
رد: ســــــــــــــــــــؤال
ابو غلا عافاك الله قبل والله تطلب مني معرفة قصة البيت
ياحيف كيف الزوبعي والدغيري *** يلعب بهم طفل سرح له بشرشوح قبل تطلب مني بحثت عن معناه وخصوصا كما ذكرت انه اشير للبيت برقم (1) فلم اجد في الصفحتين ولا الصفحات التي بعدها اي معنى للبيت او قصة او من المقصود بالزوبعي والدغيري ولو انك اطلعت على كتاب من آدابنا الشعبية وهو تقريبا 14جزء لوجدت فيه كم هائل من القصايد لمختلف الشعراء وخصوصا شعراء شمر لكن اللي يعيب الكتاب عدم التنظيم يعني تجد رقم بجانب البيت ثم لما تبحث اسفل الصفحات لاتجد شيء كذلك بعض الاحيان تقرأ قصة فلا تفهم مامعناها لأن هناك ضعف بالاسلوب احيانا مع ان المؤلف وهو منديل الفهيد اذا تكلم بالاذاعة عن قصة او قصيدة ماودك يسكت من حلو اسلوبه اللي موجود بالصفحتين الاتي اول قصيدة هي للشاعر ساكر الخمشي العنزي مع ان قاف الشطر اولال يختلف عن قاف باقي القصايد يقول: الله من عين قزت عن منامه*** عيت تنام وصار للنوم ساموح ياعين ياعين الخطا والندامة*** لو تفتهم ماله من السهر مصلوح الخ القصيدة وهي اطول والقصيدة الثانية قصيدة ابن طوالة الثلاث ابيات بس والصفحة اللي بعده قصيدة لشاعر مجهول اللي منه البيت ياحيف كيف الزوبعي والدغيري وهي خمس ابيات بس اللي ذكرتهن لك هذا اللي موجود عن القصيدة بالصفحتين. |
رد: ســــــــــــــــــــؤال
اقتباس:
يطول عمرك ماقصرت والله وبخصوص الكتاب ماهو بحوزتي ولا مطلع عليه وانت وجهك ابيض وماقصرت ننتظر الافاده ممن مطلع وله درايه |
رد: ســــــــــــــــــــؤال
اقتباس:
اما بالنسبة للي اعرفة ان زوجات الامير عبدالعزيز المتعب ال رشيد 1 موضي الحمود العبيد 2 موضي السبهان 3 صيته بنت حبيب العريعر 4 حصه بنت صالح الدخيل 5 بنت الاكوخ بن حثلين 6 بنت بن لبده القحطاني 7 شعاع الشبرمي اما اذا تزوج من الطواله فااول مره اسمع بها وكل عام والجميع بخير وصحه وسلامه |
| الساعة الآن 04:17 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
allshmr
جميع الحقوق محفوظة لموقع قبيلة شمر الرسمي * منتديات الطنايا * ولتفعيل اشتراكك اخي العضو عليك بأرسال رسالة نـصية للرقم / 0545554555 موضحا ً الأسم الذي اشتركت به بالمنتدى وفي أقل من 6 ساعات ان شاء الله سوف يتم تفعيل اشتراكك لتتمكن من المشاركة معنا تحياتنا لك وشكرا لأختيارك منتديات الطنايا .... إدارة الموقع