الله على وقت ٍ قضيته بـ رفحا = من الروضة الخضراء لـ محمديه
على هبوبه العذب نسهر ونصحا = وبه لابتـ(ن) بالضيق تطري عليه
شمر ليوث الكون وذياب سرحا = ادمانهم بالدم شيمه وحميه
بالمرجله والطيب علمهم اضحا = عبدة وسنجارة والاسلم شفيه
وسط المجالس دوم اوجيه فلحا = اهل الطنا والمجد والغايريه
فراقهم ياهيه مايبرى جرحا = وادعيلهم بالخير صبح ومسيه
وقربهم ع القلب سرور ٍ وفرحا = تاج الفخر والعز للشمريه

مالوم انا الشعار لو غنوا بـ رفحا = ومالوم من يبغى شوفة خويه
ولا أنا مالي بها اليوم فرحا=ولاذقت فيها غير حر المنيه
اجر ويلي كل ماأظلم الكون وضحا= وحالي كما الخنسا بكت عين خيه
وياطحن قلبي يطحن اليوم بـ رحا = على حرارا فارقونا سويه
اشكي عليك الحال ياعيون وضحى = يانسل منهو مامشى بالرديه
يابنت عبده يافخر كل شقحا = أهلك هل الطولات الأوليه
يابنت دجلة ضاقت اليوم رفحا = تبكي على فرقاك يالشمريه

صح لســـا نج يا شاعرتنا


وصح لسان عززوف

يابنت دجلة ضاقت اليـوم رفحـا=تبكـي علـى فرقـاك يالشمريـه

تقبلي تحياتي:

مشاري


ملاحظه :

رابط توقيعك بالطنايا نت اضغطي هنـا

المشاركة الأصلية كتبت بواسطة مشاري الخريصي (المشاركة 358548) صح لســـا نج يا شاعرتنا وصح لسان عززوف يابنت دجلة ضاقت اليـوم رفحـا=تبكـي علـى فرقـاك يالشمريـه تقبلي تحياتي: مشاري ملاحظه : رابط توقيعك بالطنايا نت اضغطي هنـا