والله ان الدين للمديون ضيم = كان دار الحول دينه ما وفاه
لاترجا عيال من ظهر العقيم = ولاترجا توبة(ن) بعد الوفاه
العن العثرات وأبليس الرجيم = واحسب ايام العمر وأدرك خطاه
ماذكر بالكون يالغالي مقيم = غير رب البيت مايبقى سواه
كم ابو طفل(ن) مع العالم يتيم = ارتسم دمعه على صفحة شقاه
وكم اسير(ن) اكتو بجمر الجحيم = ماشكينا الي تسبب في بلاه
وكم بنتن غرها ضحكت وسيم = ماسألت البنت وش غيّر نباه
وين راعى البيت والرجل الحكيم = مايشوف الذيب لا يطا حماه
لغزنا مدفون حله يانديم = مايحله كل من شاف و قراه
ويش عودا خاين(ن) لو هو فهيم = مظهرن خيره وشره في خفاه
سارق(ن) للوقت والعقل السليم= حطه الي غر شره من عماه
جاكم المكتوب واشهد ياعظيم = الحذر مطلوب عن وجه الرماه
الدليل يضيع بالجو العتيم = والعماء لومه على موضع عصاه
لايغرك نو سيلن عقب ديم =كم ابو سيلا جرف بيت ومحاه
ولا يغرك عيشة كله نعيم = احمد اللي اكرم النفس وعطاه
الحيا والطيب من رب(ن)رحيم = ماعطانا أقنع الروح وكفاه

الله الله عليك يا النايفه
صح لسانك وصح منطوقك يا الشاعرة
اهنيك على هالنصائح المغلفه في قالب شعري رائع
وحمى الله شباب المسلمين وبناتهم من كل مكروه وافة
تحياتي وجزيل احترامي لك

تثبت

	ياسلام ياسلام صح السااااانك مليوووووون وصح فكرك ابدعتي قصيده راقيه بألفاضها ومعانيها وشاعريتها لاهنتي ياالنايفه على هالرائعه