راكب اللي ماحصل مثله لعاد = صنعت ارمل رفيعاًعماده
من معمل كله حديد وبولاد = قطعت جحيم ٍ صانعين ارصاده
ركبه سليل الهاشميه بغداد =وعشقه بكلكتا زعيم الهناده
رولزرايز ماله غليط بالبلاد = حجم جليل ومنظرمايشاده
اسود يضاهي حلته حين الامداد =ياضي كما بطن السجنجل سواده
ولياركبته بسهلة ٍ تشفي الفواد =منوة غريب ونازحاً عن بلاده
تلفي على سطام ذرنوح الاضداد= كشاف سرج الهازلات الوناده
حر ٍ ضرا للصيد من هو بالمهاد = كم صيدة ٍ فج المخاوف وصاده
ولياجيته بصيفة الجود جواد = جوده على جود الخديوي زياده
قل له من يوم خبرك ماهوى كبدي الزاد = بس التتن عطب بقلبي مداده
حين انزويت لفرشتي ابغي الارقاد =كن النويفج خم عيني وعاده
خشن شياطين الشقا تحت الاوساد =وقامت تصفق بي زعوج القراده
اللي شالوا بيرق الحرب سياد = واليوم صرتوا يالمناعير ساده
هذي دياركم ماتبي شهود واسناد = يما رشتكم من خير وسعاده
طوعتوه بالتضحيه فوق الاجياد = لياما صفى به كل حي جماده
يما عطينا من يدينا ولا فاد = وبعض العطى تاليه ذل وبلاده
قمنا نداهن لديحان الشوايا والاكراد= وضعنا شذى بين يادي وياده
قمنا نخضع لكل مقطم ماله اجناد = ومايندرى من اي البدايد ابداده
يوم العقيدي جرده سرج وشداد = على القعيط معند ٍ يبي اذواده
ركبوا هل العوجا على قحص الاجياد = وحضرت ملايكة المنايا طراده
سووا سواة علمها عم الابداد = وكل زور ٍ قوموا به معاده
الشيمة اللي جابت قطيط جراد = من شرقي جسر الدير يركض بياده
ليه ماتجيب الشمري وافي الامجاد= اللي ثمان جموع تكمل عداده
هم السيافا حصلوا كل الامجاد = اللي وقفوا عن ميل بقعا سناده
ان غربوا طاعت لهم طي واكراد =وان شرقوا صاحت صوايح اضداده