الشاعر : حامد الذرعي ( يالعبد )
 

( يالعبد )
يالعبد لاترفع على العبد شكواك
شكوى لغير الله تراهي مذله
وصيةٍ خذها على هداك ورظاك
مثل الذهب مضمونةٍ في سجله
شكواك سندها على الرب ياقاك
ياقاك من صروف الزمان المخله
لاراح ثلث الليل نوخ مطاياك
وطلب ولي العرشه ستره وظله
اللي خلقك من العدم ثم سواك
متميزن عن باقي الخلق كله
هو الذي علام سرك ونجواك
علام ماتخفي الصدور وتجله
يالعبد لاتيئس ولو جاك ماجك
اصبر وعند الله تصاريف حله
خلك حكيمٍ صادقٍ عند مبداك
لاتتبع ناسٍ على غير مله
بعض البشر ماعنده ايمان ودراك
اليا انعقد حبل الرجا مايحله
تقوده افكارن ضعيفات وركاك
لو هو على درب السنع مايدله
يطونه ايامه مثل طي الاشراك
ويظيع عمره غايته ماوصله
يقوله اللي باصدق القول وصاك
وصيةٍ فيها الحكم والادله
( حامد الذرعي )