وصف الجيب اللكسس
راكب اللي ياشتغل ياكن دقت سلفه
كاهنن يقرا طلاسيمه على ممسوسه
منوت الي ناوين يضرب طرقتن صلفه
يطوي البيدى بمشيه والسهال يقوسه
ياحصله من قدم رجل الدريول كلفه
ينطلق مثل السهم من فوهة المطموسه
ابيضن يطوي الفيافي باالمساري خلفه
يا وقف ودك تعانق طارته واتبوسه
مثل زول الشيخ ضاري يانتخا في صلفه
كل ماشاف العدى دلا يحد ضروسه
الشجيع اللي من العدوان تروى شلفه
لين خلا جمع الاعدى بالملاقى حوسه
العديم اللي حلف واقسم ووفا حلفه
كم غريمن نزل المرهف على فاعوسه
ماوقف عند المكا نيكي يوززن بلفه
شاشته كنه برصات الذهب مغموسه
قيمته ماجمعوها من بنوك السلفه
ارصدة تجار قومن مبطين مكدوسه
كن فيه ارناق واشكال الحلا مختلفه
واللغاة انواعها في محتوى قاموسه
كلمات /مشعل عسام التريباني الشمري في 4/4/1440هجري
راكب اللي ياشتغل ياكن دقت سلفه = كاهنن يقرى طلاسيمه على ممسوسه
العرض العادي
