احسنت يانسل الرجال الميامين

احسنت يانسل الرجال الميامين
اهل الفعول البينات الشهيره

يامحمد السوعان طلق الحجاجين
سلايل اللي ينطحون المغيره

حنا حمات الدار والعرض والدين
وعدو دين الله حسنا مريره

ارواحنا من دون دار الحرَمين
ترخص ولانر ضالها بالكسيره

حنا السعوديين للدين صافين
فينا الوى لحكام شبه الجزيره

حنا ولانا للملوك السلاطين
اللي حموها بالسيوف الشطيره

حكام نجد مؤسسينه على الدين
اللي يعاديهم يدينه قصيره

عاش المليك اللي يضد المعادين
العاهل اللي يشمل الشعب خيره

ويحيا ولي عهده علاج المجانين
سقم العدى كحل العيون الضريره

النادر اللي جنن الفرس تجنين
شبيه جده عاش صقر الجزيره

وعاش العلم يخفق بنخله وسيفين
في كلمة التوحيد رفرف عبيره

وعدونا لوعاش عاش الامرين
حناجحيم المعتدي زمهريره

ناطا على روس العدى بالميادين
وندوسهم دوس الرحى المستديره

حنا على التوحيد عشنا عزيزين
ونبقا عليه ولانخالف مسيره

نبقا على منهج رسول الثقلين
ونهج الصحابه مالنا نهج غيره

وعدونا مدحور مطبي وهالحين
يبطي عظم مانال حبة شعيره

مشعل بن عسام الغافل التريباني الشَمري في/24/10/1440هجري