يادلتي كن زوله ياتمعنته بنتن تبين جماله عندعاشقها

ودلتي كن زوله ياتمعنته = بنتن تبين جماله عند عاشقها

كثرت حبه ومي الكيف وازنته=
وعلى وحم حر نار القز افاهقها

من حب صنعا وهيل الهند كونته=
تطرد عماس المحيم اليا تذوقها

ومن وارد ايران ورسته وزينته=
وبان ابو شيبه بها وابدت تزبرقها

احمرعلى مشرب الرسلان خازنته=
تقول من دم عرق القلب منشقها

وضحت حبي لها للناس واعلنته=
وملزوم ابين محبتها و اوثقها

وحبي لها بابيض القرطاس دونته=
مثل محبة هلا البل في مسابقها

كتبت فيها جزيل الشعر واتقنته=
فاضة من الجاش واعجبني تدفقها

ابيات شعرن بمي الورد عنونته=
شمن رواسي تعجز من تسلقها

عوب الفرايد بهاجوسي تفرعنته=
وحنيت مخلاب طيري من عواتقها

وهزل القوافي بجزل الشعر كفنته=
ادخلت روس الهزايل في مشانقها

.مشعل عسام التريباني الشمري في 5/1/1440هجري

 

 

 

 

 

 

 

 

 

 

ابو عبد الرحمن

صح السانك على البيات الشعريه

بارك الله فيك وتقبل تحياتى

 

 

 

 

 

 

 

 

 

 

صح بدنك اخوي ردعد الشمال لاهنت يابعدي