االله يامنشي مزون همايل=يارازق الذرة بجرد الهواضيب
تحفظ لنا الإسلام باعلى النزايل=وتوفق الحاكم عريب النواسيب
سلمان سلمان الصخا والجمايل=سلمان سلمان الفخر والمواجيب
أمره بحزم وعزم قول وفعايل=ياطى على خشم المعادي ولايهيب
كالطير ماينزل طمان المسايل=دايم مكانه فوق شمخ المراقيب
هو خادم البيتين للخير مايل=هو سيفنا حزات ضرب المحاديب
نطلب ولي العرش منشي المخايل=تنصر لنا الإسلام بالحاكم الذيب
وترد كيد اللي للاسلام عايل=وتعز أبو سلمان نسل الاشانيب
محمد بن سلمان شبل السلايل=معرب الجدين ينهاب مايهيب
نطلب عساه لصحوة الدين شايل=وتنفع به الإسلام ياربنا تجيب
وتجعل مسار الحق صوبه دلايل=وتهدي بطانتهم على الحق يامجيب
وتعزهم للدين باعلى الوسايل=وانك تديم الامن وايضا المحاريب
وترد فكر اللي براسه هوايل=همه يزعزع امننا بالمخاليب
وياربنا ياللي برجواه نايل=ترفع لنا الإسلام فوق المطاليب
وتبارك بحكم السعود الحمايل=اللي لهم بالقلب قدرٍ وترحيب
وصلاة ربي عد ماقال قايل=الحمد للي من ترجاه مايخيب
أخوكم // خلف الدحام البرازي