والله ان الدين للمديون ضيم = كان دار الحول دينه ما وفاه
لاترجا عيال من ظهر العقيم = ولاترجا توبة(ن) بعد الوفاه
العن العثرات وأبليس الرجيم = واحسب ايام العمر وأدرك خطاه
ماذكر بالكون يالغالي مقيم = غير رب البيت مايبقى سواه
كم ابو طفل(ن) مع العالم يتيم = ارتسم دمعه على صفحة شقاه
وكم اسير(ن) اكتو بجمر الجحيم = ماشكينا الي تسبب في بلاه
وكم بنتن غرها ضحكت وسيم = ماسألت البنت وش غيّر نباه
وين راعى البيت والرجل الحكيم = مايشوف الذيب لا يطا حماه
لغزنا مدفون حله يانديم = مايحله كل من شاف و قراه
ويش عودا خاين(ن) لو هو فهيم = مظهرن خيره وشره في خفاه
سارق(ن) للوقت والعقل السليم= حطه الي غر شره من عماه
جاكم المكتوب واشهد ياعظيم = الحذر مطلوب عن وجه الرماه
الدليل يضيع بالجو العتيم = والعماء لومه على موضع عصاه
لايغرك نو سيلن عقب ديم =كم ابو سيلا جرف بيت ومحاه
ولا يغرك عيشة كله نعيم = احمد اللي اكرم النفس وعطاه
الحيا والطيب من رب(ن)رحيم = ماعطانا أقنع الروح وكفاه
والله ان الدين للمديون ضيم --للنايفه--
العرض العادي
