وهو حي زوجي رحمه الله , مدحني ببيتين من الشعر ..
يقول :
أريام وعيونها ماتحَوج الميلي = سبحان ربي عظيم الشان سواها
اذا ابتسم ثغرها أصيح ياويلي = ماينفرق لونها مع ثناياها
وهنا ارد على ابياته بعد وفاته ..
من عيني برقً يخيل الهماليلي=مزنً نشا فوقها وانتثر ماها
أغرقني سيله وخّرب محاصيلي=ماتت وسبحان ربي يوم أحياها
يابو عمر غيبتك اهدمت حيلي=كم ونةً في فراقك زعجناها
أجرها جر سجع المواويلي=والورق ياما سمعها وغناها
بعدك يداعب همومي غرابيلي=في غيهبً موحش الضيق بكاها
أسري مع الليل كل ماسدل ليلي=لكن الايام ياطول مسراها
ان جيت ابرقد خذتني مراسيلي=للذكريات الذي مانسيناها
يطري خيالك ياشيخ الرياجيلي=وكل ضحكةً ياحسافه فقدناها
الموت يفني زحول الحلاحيلي=وألى الهدايف ترى الموت ماجاها
ياشيخ ربعك خيار المشاكيلي=ياللي سبقت العرب ماتقفاها
امد لك من يميني فناجيلي=وانت الذي قلت تسلم لي يمناها
أشتاق من كلمه اذا قلت ياحليلي= يازينها منك وياحلو معناها
وشلون مغليك يامعدل الميلي=راحت معك احلى الايام عشناها
لاوالله الى غيابك طفح كيلي=ضاقت فجوج الوسيعه ودنياها
ياشيخ ربعك
العرض العادي
