اهداء إلى الشيخ : ضاري محمد الطواله |
.
.
ضاريٍ(ن) بالفعل ضاري في يمينه=شيخنا رمز الشموخ ابن الطواله
شيخ شمر والظفر بيح كنينه=لا تثنى بالسيوف العز جا له
أسلميٍ(ن) للندى كفه رهينه=عزوتي لا من برك للحمل شاله
باللحيسه يا عرب عَطَّر يدينه=يا سليل المجد في عزك شكاله
كم نخى من عانيٍ(ن) يا من يعينه=مد له ضاري وصاله من حلاله
الأمير اللي كتب حاضر سنينه=ماضي الأمجاد خيله وابتهاله
حاتميٍ(ن) للكرم يندى جبينه=للسطَّر عنوان والعاني عنى له
في دواوين الشعر مركب سفينه=لا تداعى موجها من طيب فاله
يمّ ضاري غرّدت شوقه حنينه=والقوافي في لسان العز حاله