اجمل وطن واغلى وطن بين الاوطان=والشاعر اطلق للقوافي عنانه
اهيم في حبك وفي حب سلمان=وغلا الوطن داخل خفوقي مكانه
سلمان اخو نوره ماهو بايت انسان=والمملكه في حفظ ربي وامانه
وولي عهد الدار شبله كحيلان=كم واحدن وقت الشدايد اعنانه
قاد التحالف طير شلوى بليهان=الي غمر بقلوب شعبه حنانه
ابطالنا وجنودنا بحد نجران=لجل الوطن مايقبلون الاهانه
اخوان نوره حكمهم عز وامان=من زينهم تزين حتى البطانه
الي لهم في قمة المجد عنوان=يشهد لهم التاريخ ماضي زمانه
ولسمو الا مير الي دحر حثلة ايران=فهد ابن تركي ومرفوع شانه
شامخ ووافي له معزه وله شان=يمشي على وضح النقى في بيانه
حب الوطن في دم قلبي وشريان=لجل الوطن واهل الوفا والامانه
والمملكه نرخص على شانه اثمان=والادمي ماصارلعمره ضمانه
]الشاعر بدر محمد الخمسان