عساك بالجنه بعيدن عن النار
ياالنادر اللي ماتعدد مزاياك
يعل مسكانك مع الغر الابرار
وحنا يصبرنا على عظم فرقاك
ياعل منزالك بجنات وانهار
الله بالفردوس والخلد يجزاك
في جنتن كله بساتين واثمار
في منزلاً يرفع مقامك ويزهاك
في صحبة الغر الميامين الابرار
تستقبلك حورن تشوّق للقياك
فقدك مصيبه مارشأن الاقدار
وحان الفراق ولابقا غير ذكراك
ياعين هلي صافي الدمع مدرار
وياقلب حزن وقت فرقا دناياك
مرحوم ياسقم العدا باللقا الحار
يابو مبارك والله انا فقدناك
يافزعة الصاحب الياصار ماصار
ليت القدر ماشال مثلك وشرواك
حقك علي بسجدتي وقت الاسحار
ادعي لك الله من سنا النار يحماك
ادعي لك المعبود علاّم الاسرار
عساه من حر اللواهيب ياقاك
مشعل عسام الغافل التريباني الشمري في 28/11/1441هجري