ارسلت لك مرسال قبله مراسيل= موجهاتن صوب حضرتك بالذات
شرحت فيها من فراقك غرابيل =لو ان مابيني وبينك مسافات
ورديت لي تلميح يحمل تأويل = لاشك بابك قافله عشر قَـفْلات
وحطيتنا مابين قايل وماقيل = وسمحت لأهل الظن تحكي حكايات
وامطرتني باللوم ليلٍ ورا ليل = واعطيتك الفرصه على طول بسكات
ياما كتبت اشعار وارسل مواويل= واعذار ترضي ساكنين العمارات
وياما تصنعت الجهل بالتعاليل = يوم انت تشكيلي غرامك إبحيلات
واليوم وقّفنا الشعر والمراسيل = دون النهاية باقياً خمس لفات
اما يجينا من طرفكم تهاليل = والقيد يِكسَر ونستعيد العلاقات
والا موادع كان مهنا مواصيل = موادع الحيين للناس الاموات
هذي حقيقه ماخلطها تماثيل = انته وانا نضيع وسط المجرات
s.s
الفرصة الأخيرة
العرض العادي
