ويذكر فيها شاعر شمر بعض تاريخ القبيلة من عهد مطلق وحربهم مع الدولة السعودية الاولى ثم معركتهم مع شريف الحجاز وعهد فارس وبنية ودخولهم للجزيرة والسيطرة عليها وانتهى بعهد صفوق وتاديبهم لقبائل الشام وبادية العراق
وهي ضعائن القرقشي
يـا الله يامحيـي العـظـام التـرايـب = يا خالـق الجنـه بساتيـن وقـصـور
يا المعتلـى بامـرك تسـوق السحايـب = برقه ينوض وشع نيـران مـن نـور
مـن مدلهمٍ يجتلـد لـه ضهايـب = متحوملن غيمه يشـادي جبـل طـور
حيثـك رؤوفٍ للفيـاض العشـايـب = يا عالي الكرسي لـك الحمـد مشكـور
ليا فـك لـك بـاب السعـد والهبايـب = يرشاك لو انك قفى سبعـة بحـور
وان وهنـك كثـر عليـك السبـايـب= لو انت بالعالـي نـزل بـك بحـادور
ان طابـت الدنيـا لـك الفكـر طايـب = يصبح ضميـرك مسفهلٍ ومسـرور
وان عاضبت تظهر عليـك العجايـب= غدارةٍ تلعب علـى النـاس بسحـور
مالـه شبيـهٍ غيـر مكـر الحبـايـب = ليا عشقتك جرت لـك الكحـل وعطـور
وان عافتـك دنيـاك عـدوك خـايـب=ملـزوم تظهر بـك عذاريـب وشعـور
القلـب مـن كثـر الهواجيـس ذايـب = كن الشناذر باطـرف المـوق مـذرور
قال الاديـب ابيـات قافٍ عجايـب = واظهرت انا ما كان بالصـدر مقمـور
نجرتهـن نجـر الصخـر للوجايـب=وصـف الحسينـي للتماثيـل مذكـور
علـى الضعـون اللـي تعـز الغرايـب = بتاع ما تصبر علـى الضيم والجـور
ترعى الخطر طايب على غيـر طايـب = وخيالهن مطلق كمـا الليـث مشهـور
يـوم السعـودي هازهـم باالغصايـب=طلـب مطاليـب عليهم بمعـسـور
لـزم عليهـم يجدعـون الـذوايـب= قام الطنى يزقح علـى كـل ممـرور
ركبوا علـى قـب المهـار العرايـب =وزام الجهام اللي مـع الحـزم مزبـور
يامـا عليهـم مـن كثيـر الطلايـب = بيـارق تطـرخ قفاهــم وصـابـور
مطلق مشى بعيـان قومٍ صلايـب = قالوا عليهم لـو صنمهـم مثـل قـور
اللـي نهـار الكـون مثـل الجلايـب = عافوا عزيـز الـروح والعـج كبـور
تلقى الحمـر قفـى الملازيـم رايـب = اللي وقع واللي مـع الربـع مكسـور
الله عطـاه مـن الظريـف الرعايـب = رفٍ تصفق من هوى الطيـر مذعـور
ومسلط يحظ الخيـل واقفـت حطايـب =ليما وقع بيـن الخنـادق ورى السـور
وجاه الشريـف بغيـر حـق وصايـب = وتعـرض القالـه بسيفٍ ودستـور
يبـي نصيفـة متـرفـات الجنـايـب = وردوه عن رايـه قعيعـن ومقصـور
غلبا غدوا برميـح راسـه شطايـب= بسيفٍ يشطب مشـة العظـم والـزور
عنـد المحـارم يجدعـون العصايـب = ليا طار ستر مـردع الوشـم وخصـور
وضعايـنٍ يامـا كلـن مـن جـذايـب = معهـن بنـيـة للملابـيـس ثـابـور
يـودع صوابـه بالاباهـر عبـايـب= لياعزلـوا سـرد السبايا قفـى الخـور
حيدٍ يشيـل المعضـلات الصعايـب=ياوي خيالٍ قفاهـن تـكـل ســور
ودرهم لهن فـارس عطيـب الضرايـب = سنه صغير ولا يتصنـت علـى الشـور
مـع سهلةٍ تقطـع ردوم الركايـب =واسلاف باطراف الجهامـه تكـل حـور
طب الجزيره وشـب نـار الحرايـب=ليثٍ ولـد ليثٍ عديـمٍ وعيـهـور
زيـزوم قومٍ ماتعـرف الغـلايـب = شمر ليـا عـدت خسايـر ومخسـور
العفو مااقوى وجيههم عالمصايـب = اكثـر ليالهـم علـى الكـدر ومـرور
وعركاتهم يصبح بـه الـراس شايـب= ومركاضهم يشبع به الضبـع وطيـور
ابكي زمان صفوق زاكـي النسايـب= بتـال كفـه لاطـرم العظـم نـاثـور
وشمر كما مزنٍ حقـوقٍ غضايـب=يمطر علـى دار العمـارات وصقـور
وضفى على السبعـان عـج و لهايـب = ليما بن معجل جنـب البيـت مذعـور
وكثر علـى روس الحمـاد الوعايـب = وسحابةٍ صبت علـى الولـد شختـور
يـا دار يـا دار الخـطـر والسبـايـب =وين الذي عذوا جنابـك هـاك الـدور
وهدوك من عقب السطـر والصعايـب =اطوع من النضوة على الخرج والكـور
ورباعهـم تدعـاك مثـل الهضـايـب =فهقٍ وتقليطٍ كما الورد وصدور
ودلال تلقـى بـه مـن البـن رايـب =عالنار منصوبـة تكـل شـاش بلـور
وعقب الكدر شربـوا لذيـذ الشرايـب =واصبح لهم عصرٍ على الناس منصور
ولا يدرك الطولات مـن كـان هايـب = وهبيت ياعمرٍ عن المـوت مذخـور
وتمـت ونهـدي للرسـول الوهايـب =علـى النبـي بعـداد ما طـاح ممطـور