قلت حايل قلت الديره تعال = قلت حايل قالت آمر ياصبي
قلت حايل مال بالفزعه عقال = منكبي لامن تزاحم منكبي
قلت حايل صاحت النخوه عيال = قلت حايل قالت اخلص وش تبي
قلت حايل جاوبت يابوطلال = قلت قصدي يالهبايب هبهبي
دام حتى البوصله تشر شمال = والله انك يارفيقي بشنبي
انشد التاريخ بولاد الحلال = وانشد السيف الحدب ياليثربي
من سهج لعيون حسناه الظلال = من ذبح تسعين قبل المغربي
من نقش اسمه علا صم الجبال = من نثر دمه مراجل اكتبي
شمر اللي فعلها فاق الخيال = قبل لايستعربون اليعربي
شمر الجزله مرخصة الجزال = كن مده صار مزنن عقربي
وكن طهر الغيم بصدور الرجال = قال ياارض التواضع اشربي
صاحبي دام المراجل راس مال = والله انك يالمراجل مطلبي
صاحبي ون عودت قيلن وقال = ايهبون وكل ملعون يهبي
صاحبي ون صفقت بفم الدلال = دوك فنجال الطناء ياليثربي
دام حتى البوصله تشر شمال = والله انك يارفيقي بشنبي
(( قلت حايل ))
العرض العادي
