قصيده الشاعر مطرحمد الاسلمي يتوجد شيوخ شمر في العراق يذكر مجدهم وسطوتهم بعد ان
سيطر حزب البعث في العراق
يادار وين امارك اللي بنوبك =بنوك بالعليا سنين وعامات
وين الشيوخ اللي ولوا وسكنو بك=ولوك بالتقوى ودور لهم فات
بشمر اللي على كل البدايد عصوبك=شمر حماة الدار بيكل ساعات
هذاك يوم الشيخ مهدي صعوبك =يوم الطويل مطوخن كل الافات
عجيل اللي عذاك وحاما دروبك=ياما يفض من المشاكل وقالات
دار ابو نواف ياما هرجوبك = ياتكل ماشفتي من مجالس وهرجات
ياما من البدوان هم قيضوبك =شرق وشمال وغربي القصر نزلات
ياما عطوا من مال ناس شبعوبك=ربوا يتاما بالسنين الرديات
ولاتكل شفناهم ولاوقفوا بك =مثل الحلام البينات والخفيات
راحوا مثل ماراح غرب وجنوبك= راحت على كل الاجاويد باقفات
مشيرفه مال الدهر مع جنوبك = وقبلك كثيربيوت تمسي بلوعات
يامشيرفه بالكبدحنظل شروبك =شوف الحديقه والدرج والعلامات
عزاه للي عقبهم فك بوبك = ينام قلبه ويضرب الكبد حسرات
وين الشيوخ اللي ولوا وتعبوبك=اللي نهج واللي فجعة ٍ مات
واللي سكن بالغرب ولاشاف صوبك= يذكر سكن لبنان جبال بعيدات
ونطلب عسا ربي يغير هبوبك = يجعلنا من خلفته عز باقفات
نايف سراج الدار ويستر عيوبك = وجهن فليح وللمحبين مشهات
وهو الخلف يادار للي غدوبك =الله كريم وله بالاجواد ردات
1
_ الطويل =لقب للشيخ عجيل الياور(ابوصفوق)
2- دار ابونواف= دار الشيخ نوري الفيصل (ابونواف )في قرية مشيرفه
3_ اللي سكن بالغرب =الشيخ فنر الفيصل(ابوخوام)
4_ نايف = هوالشيخ نايف الفيصل (ابومحسن)
قصيدة مطر بن حمد الاسلمي يتوجد شيوخ شمر في العراق بعد سيطرة البعث
العرض العادي
