تمنيت والأنسان دايم كثير أطماع

من كلمات :ابو نافع=.
تمنيت والأنسان دايم كثير أطماع = ولو كان ماياخذ معه ربع مثقالي
الا ليت أبويه حي ما مات يا هزاع =الا ليت أبويه شاف واحد من عيالي
وامي بعد أبوي لحقت ابوي بساع = وحطيتها في قبرها لقبره موالي
بسرعه تفرقنا ولا عاد به مرجاع = ودنياك هاذي مرهاًّ يغلب الحالي
فكم فيه محزوناً وكم فيه من ملتاع = وكم فرقت دنياك غالين من غالي
ردي =.
ي كثر التماني والتماني تزيد اوجاع = مثل حلم ليلٍ في دقيقه ولاطالي
وانا م ألومك يوم تشكي على هزاع = غلا ابوك وامك ماتبدل ولازالي
عسى الله يرحم من دفنته بوسط القاع = وانا ادري ولو ضحكت ماخاطرك سالي
نعد الليالي و الليالي تمر سراع = ولابد من جيلٍ عقب جيلنا الحالي
لكن ادع للأموات واشتر من البياع = ترى بضاعة الله ماتثمن بالاموالي
وابا انشدك وش نساك لدقيق الاصباع = خويتك بالاردن عسى مالك الوالي
تذكرت من لك مات ونسيت من لك ضاع = وهي ماعصتك بيوم ي طيب الفالي

s.s

 

 

 

 

 

 

 

 

 

 

صح لسان الجميع والله يرحم الاموات