سوافي الغربة
.
بوح
.
ودي اعيش الود واجمل معانيه
~~~~~~~~ في ملتقى: خلفه وخزنه ووطفا
وابيع كل الناس بالناس واشريه
~~~~~~~~ ولكن به حاجة بـ: الأعماق تخفا
باغِ اسولف له واجاوب واناديه
~~~~~~~~ واصيح له : يا سـيد الكل : تكفا
قصدي سموّه حضرته أو معاليه
~~~~~~~~ ليثٍ دروبه فيها "الاقدام" تحفا
واعطيه من هرجن يسره ويرضيه
~~~~~~~~ ابغاه يرفق في (خفوقي) ويرفا
ابيه يعني لي: مثل: ماني اعنيه
~~~~~~~~ وابيه يصدر للـ مساجين الإعفا
من شان قلبي يعتلي في مبانيه
~~~~~~~~ وضلوع صدري والشرايين تدفا
ابي الضماير يضحكن فرحتن فيه
~~~~~~~~ حتى الممات وفوقي الرمل يسفا
.
شعر
.
أبو معاذ
جريح الغربة الشمري