ابيات الغالين فريح المتعب واخوه طاهر وقليله بحقهم
وفيتو ياعيال اللي فعوله يرفعن الراس
عسا اللي جابكم في جنة الفردوس منزاله
فزعتو فزعتن فيها لعشاق الوفا نبراس
ركبتو مركبن ماكل (رجالاً) تهقواله
اقول فريح بن متعب وطاهر يرفون الراس
سلايل متعب اللي تسجدالطولات(ل)جلاله
عيال اللي بفعل الطايلات يحطم المقياس
صخي الكف تشهد كل خلق الله على افعاله
كريمن مايحسّب للفلوس ارباع (والا)اخماس
كسب قولت نعم عند الرجال وفاز بجزاله
عساه بجنت الفردوس يشرب من رحيقه كاس
وعسا حور النعيم بملبس السندس تهياله
تفجر تحته الانهار وايخيّر من الاجناس
شرابه سلسبيل بكاسة اهل الخلد يعطاله
مكاسرعود كمبودي يعطر نفحت النسناس
ولد حرن (رقاء) للطايله والطيب يسعاله
وعقّب(له)حرارن عظو الطولات بالاضراس
تعلّو (قمة) الامجاد لين احتلو اطلاله
تعلّو فوق هامات الجزال بلبس درع وطاس
وفعلٍ للرجوله تضرب الامثال باشكاله
مشعل عسام الغافل التريباني الشمري في 5/1/1442هجري